波斯輪

波斯輪

金庫門

波斯輪，鐵行郵輪之一，船籍英國。一九〇〇年蘇格蘭造，長一百五十二米三，闊十六米六，深七米半，噸位七千九五十一，行速每小時卅三千米。

一九一五年，民國四年十二月卅號，正值第一次世界大戰，條船行到地中海，近希臘嗰頭，就畀德國潛艇射魚雷打中鍋爐房爆炸，因而擊沉。沉沒短短五分十分，好多人來唔切走。船上五百一十九人，死咗三百四十三人。本來全船有十六隻救生艇，理應夠晒有餘。然而死咁多人，皆因得船一邊救生艇落到水，得四隻。

事後德國否認炸沉。當時國際海事法話就算交戰，祇要掛中立旗，可以上船查，但唔可炸船，除非可以確保船員搭客安全。今次德國完全無準備救人。炸之前更無警告。

當時有幾艘船行過，怕唔安全，都唔敢救生還者。咁好彩有艘寧州輪，同埋英國掃雷艦馬勞，救咗部份生還者。

船上大量珠寶黃金，印度富商要送去印度，而佢自己馬些路就落咗船。二〇〇三年喺萬呎深海底有少少打撈，撈咗金庫，執到啲寶石，及後製成紀念品出售。