泮塘梁氏宗祠
| 梁氏宗祠 衣德堂 | |
|---|---|
 | |
| 主祀 | 梁肇基（一世祖） |
| 家族信息 | |
| 家族 | 泮塘梁氏 |
| 起源 | 廣東南雄 |
| 修建史 | |
| 始建 | 明朝中葉 |
| 重修 | 1816年 |
| 方位 | |
| 地址 | 廣州泮塘梁家祠街34號 |
| 朝向 | 坐北朝南 |
| 現時尚存 經已掛牌 | |
| 登錄名 | 梁家祠 |
| 等級 | 廣州市文物保護單位 |
| 分類 | 古建築 |
| 籌 | 8-13 |
| 登錄時間 | 2015年8月19號 |
史
[編輯]祠堂喺大明時期起好。大清嘉慶丙子年（1816年）重修過。1949年之後，祠堂做過向陽一路小學同梁家祠幼稚園。2002年9月俾廣州市人民政府公佈爲登記保護文物。2005年，俾政府收返、簡單裝修，變咗荔灣區旅遊咨詢服務中心。2009年，政府諗住借祠堂宣傳龍船文化。2010年11月，荔枝灣涌揭蓋，祠堂跟手轉咗做旅遊咨詢服務中心同荔枝灣變遷歷史展覽館。2015年8月19號，列爲廣州市文物保護單位。
2017年2月尾，泮塘居民請求廣州市文化部重修呢間祠堂，一路都無聲氣。
建築
[編輯]坐北朝南，三間三進，總面闊12.9米，總進深54.3米，佔地約莫700平方米，硬山頂，尖形人字封火山牆，碌灰筒瓦，青磚石腳。頭門面闊三間12.9米，進深三間約10米夾埋十一架。前後有木雕封簷板，雕刻有花卉圖案，門前邊有對石刻獅子。中堂面闊三間12.9米，進深三間共十一架。花崗石梅花簷柱，木雕樑架保存幾好，樑架透雕博古紋飾，裝飾簡單。前邊有天井同兩廊，家時兩廊經已拆平，同天井聯埋一氣。後堂間隔經已改過。
連出去
[編輯]- 〈泮塘梁氏宗祠點滴〉 (簡體中文)。廣州地情網。
- 〈走近廣州祠堂：古祠範兒 就是原汁原味〉 (簡體中文)。中國廣州旅遊網。
攷
[編輯]- 《廣州市文物普查匯編 荔灣區卷》