洲頭咀反租地抗英鬥爭紀念碑

出自維基百科,自由嘅百科全書
Jump to navigation Jump to search
洲頭咀反租地抗英鬥爭嘅紀念浮雕

 洲頭咀反租地抗英鬥爭紀念碑粵拼zau1 tau4 zeoi2 faan2 zou1 dei6 kong3 jing1 dau3 zang1 gei3 nim6 bei1中國廣東省廣州市嘅一個愛國主義教育基地,喺海珠區濱江西路洲頭咀南美大酒店嘅隔籬。

主要紀念對象[編輯]

呢嚿紀念碑係用嚟畀廣州市民記得喺1847年5月15號——17號發生咗嘅呢單歷史事件。

事件[編輯]

1847年5月15—17號,英國侵略者喺清政府嘅縱容之下就派人嚟咗河南洲頭咀大部分地區嚟插旗劃界,佢哋就係用「租地」嘅名義夾硬嚟控制成個廣州。而河南入面卌八個鄉嘅鄉民收到水之後都好嬲,即刻派代表過去瑤頭雙洲書院嗰度傾點搞武裝隊嚟對付啲英國佬。嗰時重向成個廣東省嘅紳士、外國駐廣州官商、地方當局、同埋英國領事館發咗好多本文書嚟話畀啲人知英國佬係點嚟搞搞震嘅,甚至抗議當局點解唔理民眾嘅感受嚟夾硬俾啲英國佬搞搞震,希望成個廣東省嘅紳民都可以出手嚟保護自己嘅家園,甚至重嗌咗廣州北邊嘅東平同昇平兩社嘅學派嚟撐佢。佢哋重警告如果啲英國軍隊夠膽繼續夾硬霸落去嘅,河南民眾實會還擊,打到英國佬死到連渣都冇得凈。就喺1847年5月20號,廣東省各個鄉民3000幾人一齊過河到十三行嘅行商會所搞咗單大規模嘅抗議遊行。

而呢單保衛家園嘅正義鬥爭就搞到英國佬好似打三元里嗰場仗噉,逼住唔要租地話走佬。而河南啲人就贏咗呢場仗,為中國人民近代反抗帝國主義侵略嘅歷史入面寫出咗新嘅一頁。

[編輯]

喺1987年5月15號(呢單事件發生咗之後嘅140周年嗰日),海珠區人民政府就喺而家洲頭咀嗰度起咗嚿抗英紀念雕塑出嚟。到咗2002年嗰時由於政府話要整闊將成條濱江路兼延長到而家嘅廣州大道嗰頭嘅關係先至將嚿紀念碑拆咗,但係到咗2007年5月15號,廣州市人民政府喺反租地抗英鬥爭160週年嗰日為咗弘揚愛國主義精神嘅關係,先至決定喺洲頭咀附近重新起返嚿紀念碑出嚟。而呢嚿紀念碑喺2008年5月份先至起好。

裝飾[編輯]

呢嚿紀念碑嘅樣係一嚿嗌《南溆風華》嘅抗英紀念浮雕。佔地大概100平方米,有差唔多15米闊同埋差唔多6米高到,喺仿紅米石基座度重鑲咗18幅同洲頭咀群眾抗英鬥爭嘅過程嘅描金浮雕畫出嚟。

[編輯]