海底椰（粵拼：hoi2 dai2 je4；學名：Lodoicea maldivica）係棕櫚科海底椰屬嘅常綠喬木，原產地喺塞舌爾。而家響塞舌爾嘅普拿斯連同斯利阿舍島上面搵到。呢種植物既係一種瀕危植物，又係世界上最大嘅堅果植物。呢種樹成日俾人話成「樹木之象」，而佢嘅果甚至俾人話成「最重量級嘅椰子」。
海底椰喺塞舌爾當地係受到保護，唔畀亂斬或出口。
海底椰樹生到 25 - 34 米，直徑30cm。葉係扇形，長7 - 10米、闊4.5米，葉柄都有4米。而樹木有分開公樹同乸樹，其中樹乸係比較矮。雄花係絮狀，有成 1 米長；而有人覺得花公似男人嘅性器官。 舊時嘅水手見倒浮響嘅海面嘅海底椰子，幻想係俾人斬開嘅女人屎忽。佢嘅果方面，一般係圓嘅波形，成熟嘅果實直徑有成 40 - 50 厘米，重 15 - 30 公斤，出面係好似啲海綿噉嘅纖維質，要剝咗個殼先至係堅果，裏面有植物界最大嘅籽。而佢嘅堅果就好似合埋一齊生嘅兩隻椰子噉，但個殼好輕，可以喺海上面飄到邊度都得。另外佢嘅果汁比較香。
呢種植物嘅生長速度都好慢，一般要成個世紀先至生成樖樹，而壽命可以去到成千年都有。而樹乸大部分都係並行嚟生，果實要 6 到 7 年先成熟。但係呢種植物唔禁（kam1）俾海水浸濕咗嘅沙灘嗰度生。
而家海底椰樹係用嚟做觀賞、裝飾。而佢嘅果可以用嚟整酒；佢嘅果肉甚至可以煲湯，整成藥都得。另外，佢嘅殼可以用嚟整雕刻裝飾。
佢嘅果肉可以做藥，專門醫久咳同出血嘅病。
喺塞舌爾當地，有傳說話喺橫風橫雨嘅晚黑，啲葉吹到沙沙聲，啲人話樹啲樹喺度做愛。所以當地啲人成日話佢做愛情之果。
 習性 | 習性 |
 莖同果 | 莖同果 |
 葉 | 葉 |
 花公 | 花公 |
 果（未熟嗰時） | 果（未熟嗰時） |
 果（熟咗之後） | 果（熟咗之後） |
 核 | 核 |
|
- 中国少年儿童百科全书 自然·环境 第440页 浙江教育出版社 ISBN 7-5338-1946-2/G·1942
- Hutchinson, 1959, The Families of Flowering Plants (2nd ed.)
.jpg)
.jpg)
