海蛇科

How to read a taxobox

海蛇科

物種分類

界	動物界 Animalia
門	脊索動物門 Chordata
綱	爬蟲綱 Reptilia
目	有鱗目 Squamata
亞目 (Subordo):	蛇亞目 Serpentes
科	海蛇科 Hydrophiidae

屬

劍尾海蛇屬（Aipysurus）
（Amydocephalus）
棘鱗海蛇屬（Astrotia）
棘海蛇屬（Acalyptophis）
裂頦海蛇屬（Enhydrina）
（Ephalophis）
（Hydrelaps）
青環海蛇屬（Hydrophis）
截吻海蛇屬（Kerilia）
（Kolpophis）
平頦海蛇屬（Lapemis）
海蝰屬（Parahydrophis）
長吻海蛇屬（Pelamis）
（Thalassophina）
（Thalassophis）
扁尾海蛇屬（Laticauda）

海蛇科包括所有一世都住喺海洋度嘅蛇，屬於蛇亞目，係由遠古眼鏡蛇分化出嚟嘅，呢科有15屬、大約50種。

海蛇嘅身體後部略側扁，尾部扁平如槳，游水好叻。個頭好細，又細條，好少超過2米，但喺化石度搵到，以前曾經有長達十幾米嘅大海蛇出現。有由頭伸到落尾嘅肺，但亦可以用皮膚嚟呼吸。海蛇嘅鼻窿向上，有瓣膜可以自由開關，吸氣後，可關閉鼻孔潛落水底達10分鐘咁耐，重可以潛到幾十米深。海蛇身體表面有鱗片包住，鱗片下面係好厚嘅皮膚，可以防止海水滲入同避免體液流失。脷下面有鹽腺，可以排出隨食物進入體內嘅過量鹽分。

海蛇嘅天敵主要係白腹海鵰等食肉性海鳥以及一啲鯊魚。

分布

海蛇主要分布喺印度洋同西太平洋嘅熱帶海域，大西洋並無海蛇。東太平洋有長吻海蛇分布，劍尾海蛇就通常分布喺暗礁裏面。中國記錄到有19種海蛇，廣泛分布喺廣東、廣西、福建、台灣、香港、浙江、山東、遼寧等省份嘅沿岸近海地方。常見品種有青環海蛇、環紋海蛇、小頭海蛇、海蝰、平頦海蛇同長吻海蛇等。而香港亦記錄過淡灰海蛇（睇香港爬蟲類）。

分類

海蛇又可以分兩棲海蛇同水棲海蛇兩大類。扁尾海蛇就係屬於前者，需要上岸生蛋，由得佢自然孵化。而後者就係卵胎生嘅，每次要生3到4條20到30厘米長嘅海蛇仔。喺繁殖季節，海蛇成日聚埋一齊，形成綿延幾十公里長嘅蛇陣，有時甚至浮滿整個港口。

毒性

海蛇同眼鏡蛇有好密切嘅親戚關係，係有較短前溝牙嘅毒蛇，所有海蛇都係有劇毒嘅。啲毒液為無色或者淡黃色粘稠液體，同陸地蛇嘅蛇毒性質好似，但毒性就比陸棲蛇勁好多，係最毒嘅動物。有啲品種嘅毒性強度甚至係響尾蛇嘅十倍以上，鈎嘴海蛇毒液就係飯鏟頭毒液毒性嘅兩倍，係氰化鈉毒性嘅80倍。海蛇毒性為神經毒，目前並無血清可以解毒。

世界上最毒嘅海蛇係貝爾切海蛇，住喺澳洲西北部嘅阿什莫爾群島嘅暗礁周圍，按照單位容量毒液毒性嚟講，佢嘅毒性係眼鏡王蛇嘅200倍。

海蛇咬到人冇劇烈感覺，有時重唔痛又無水腫，所以好難發覺。各種症狀開始始時都好輕微，但會逐漸惡化。逐漸導致呼吸困難、全身癱瘓等症狀，嚴重嘅話可以喺幾十分鐘之後死。人類極少會受到海蛇嘅主動攻擊，往往係因為漁夫捕捉或潛水員唔小心踩到海蛇先搞成咁。有經驗嘅潛水員重會捉海蛇嚟玩。

資料來源

《科學月刊》「蛇類的生態適應」一文，2001年5月號
《香港的兩棲類和爬行類》
《自然珍藏系列：兩生爬行類圖鑑》ISBN 957-469-519-0

睇埋