海青村（粵拼：hoi2 cing1 cyun1）係中國村名，可以係：
- 吉林省
- 吉林市蛟河嘅村，請睇《拉法街道》
- 地名出自佢附近嘅海青河。海青河嘅名係轉音自滿文嘅「寒仲河」，河名原初意思係「獵人用嘅架鑊」。
- 喺當地，「海青」個名有個古仔：宋家屯南邊嘅山頂度，有個人形石頭，啲人嗌嚿石做海青，石人喺晚黑化成生人，擊殺喺當地作惡爲禍嘅妖魔海洪，啲人爲咗多謝佢，就叫村名做海青。
- 清道光十四年（1834年）有劉姓散戶開墾，因爲當地喺座山嘅西南邊，所以初時叫西南岔（sai1 naam4 caa3）。1919年之後開始多人入住，1936年開村，歸拉法村公所管；1945年屬拉法區。1949年村名改叫海青。1954年撤區，屬進步鄉；1959年屬拉法公社嘅進步管理區；1962年設海青大隊；1983年改成村委會。
- 松原長嶺嘅村，請睇《海青鄉》
- 當地原本係蒙古人嘅牧場，牧主名叫海青，因爲牧場度有三忽沙丘，當地漢話叫沙丘做「坨子」，所以初時呢度叫海青坨子（hoi2 cing1 to4 zi2）。清道光初年，有個叫畢春嘅人來呢處開墾，逐漸成村，村名就沿用返原本嘅土地主人名叫海青。
- 長春德惠嘅村，請睇《郭家鎮》
- 喺光緒初年開村。早年間呢度有幾間青色嘅磚瓦屋，所以叫海青房（hoi2 cing1 fong4），村名就跟住叫做海青。
- 山東青島黃島區嘅村，請睇《海青鎮》
- 村民姓徐，按照族譜《徐氏支譜》，明中葉徐氏十四世徐亮、十五世徐芝桂從而家大場鎮嘅鳳墩搬遷來呢處，初時叫徐家村（ceoi4 gaa1 cyun1）。明末，因爲佢大過隔籬啲村，而叫做徐家大村（ceoi4 gaa1 daai6 cyun1）。1980年中國大陸普查地名時，因爲撞名，而改村名叫海青。
