深圳地鐵1號綫

出自維基百科,自由嘅百科全書
Jump to navigation Jump to search

深圳地鐵一號線(Jat1 Hou6 Sin3)(羅寶線)(Lo4 Bou2 Sin3)係深圳地鐵一條線,東端係羅湖站而西端係機場東站,連接深圳市羅湖區同埋寶安區。第一段(羅湖至世界之窗)喺2004年12月28號開通,世界之窗至深大段喺2009年9月28號開通。深大至機場東段喺2011年6月15號開通。

羅寶線係深圳市最早嘅地鐵線之一,亦係深圳地鐵運量最大、地位最重要嘅地鐵線,每日有大概有一百一十萬乘客(08-07-2016)。。條線大致呈東西走向,連接羅湖口岸(過關之後可以入港鐵羅湖站搭東鐵線、亦稱火車)、深圳火車站、東門商業區、蔡屋圍一帶嘅中央商務區、華強北商業區、福田中心區、華僑城、科技園、深圳西站、前海灣、西鄉、深圳機場等地區同埋重要交通設施。本線長度係41.04公里 (25.50 英里),一共三十個站。

繁忙時段,羅寶線嘅班次密度係兩至三分鐘。其他時段就係五至六分鐘。電子版會顯示列車嘅預計抵達時間。羅寶線喺地圖入面係綠色。