深水埗關帝廟
22°19′36″N 114°09′42″E / 22.32667°N 114.16167°E
深水埗關帝廟，最初叫做協天宮，其後改名叫深水埗武帝廟，係香港一座關帝廟，供奉三國嗰時蜀國嘅大將關羽，喺九龍深水埗海壇街同界限街嘅交界，間廟後面係深水埗公立醫局，係九龍區唯一供奉關帝嘅廟宇，由華人廟宇委員會打理。成座關帝廟佔地約7,000幾平方呎，係香港最大嘅關帝廟。深水埗關帝廟喺1987年被評為香港二級歷史建築物，2009年12月18號確定評級。
歷史
[編輯]深水埗關帝廟清朝中期起嘅，年份就無從考究，清朝光緒十七年（1891年）重修過。關帝廟嘅位置原本係喺深水埗海旁，廟後就有小丘，前面係大海，有唔少上落貨嘅碼頭。當地人就起咗呢座供奉關帝嘅廟宇，祈求保祐貿易嘅忠誠。廟外重起咗一座「玉仙亭」，原本用嚟欣賞海景。後來因時移勢易，填海嘅關係，關帝廟已經變咗喺九龍西內陸裏面。