渣剌島國際爵士節

渣剌島國際爵士節（粵拼：zaa1 laa1 dou2 gwok3 zai3 zoek3 si6 zit3）（韓文：자라섬國際재즈페스티벌Jaraseom gukje jaejeu peseutibeol；英文：Jarasum International Jazz Festival）係每年秋天喺韓國京畿道加平郡加平邑達田里嘅渣剌島舉辦嘅國際爵士節。

呢個音樂節嘅目的係想向大眾推廣爵士樂，向韓國國內介紹有實力而啲民眾唔多知嘅爵士樂家，所邀請嘅人有啲來自第三世界國家，有啲係本地樂隊。每年有近100支隊來表演，佢嘅舞臺有10個左右，除咗其中有2個係免費外其他都要畀入場券，而佢嘅入場費同同等規模嘅音樂節比落算平。

2013年累計遊客超過100萬，成爲韓國代表嘅音樂節之一。2009年、2010年畀韓國文化體育觀光部指定爲有望音樂節，2011年到2013年間指定爲大韓民國優秀音樂節，2014年評爲最優秀音樂節，個名慢慢響起身。