源溪
源溪，亦叫源頭，係廣東廣州嘅一條村，舊底屬南海縣金利司恩洲堡，而家屬荔灣區南源街道。條村喺西關平原北邊，南邊有駟馬涌流經。北接西場、增埗，南連澳口，世居村民姓蕭、馬、何、梁，都有宗祠[1]。
史
[編輯]源溪村原先村主係姓丁、麥。南宋時期，蕭氏先祖由山東蘭陵遷入源溪。元末明初，馬氏由廣東新會遷入源溪。後來梁氏、何氏陸續遷入。明清兩代，屬南海縣金利司恩洲堡。
中華民國初年，屬南海縣二區。1928年，屬廣州市南岸區。1949年12月，屬廣州市南岸區源溪街。1950年6月，南岸區改名西村區，屬西村區源溪街。1951年9月，屬廣州市西村區南源街。1952年9月，屬西區南源街。1953年1月，屬西區人民政府駐南源街。1955年5月，屬西區南源街。1960年5月，屬廣州市西區西村人民公社管理委員會；同年8月西區改名荔灣區。1961年8月，撤社復街，屬廣州市荔灣區南源街。1968年4月，屬荔灣區南源街革命委員會。1980年9月，屬荔灣區南源街源溪社區，一路到而家。源溪舊時有部份係屬西郊人民公社（1987年改名叫西郊行政村）。2002年，廣州市城中村改革，源溪正式唔再屬西郊村管[1]。