滑板車
滑板車（英文：kick scooter、mud scooter[1]）係有兩至四個轆嘅小車仔，可以當做玩具或者代步嘅架生，需要依靠使用者用其中一隻腳撐地面畀動力佢前進。材料通常由輕便嘅鋁或塑膠製成，重量通常喺3千克以下，有分為可以摺埋同唔可以摺埋嘅。
滑板車簡便易學，速度適中，容易操縱，有剎車裝置，比滑板或單車更加安全，冇咁容易跌倒，唔少家長都會買畀幾歲嘅細路玩。滑板車適合唔同年紀嘅使用者，對青少年正在發育完善嘅平衡系統更有良好嘅鍛鍊效果。
種類
[編輯]- 兩轆滑板車
市面上最常見嘅滑板車，設計上係頭部同尾部各有一個輪轆，需要比較好嘅平衡感。
- 三轆滑板車
有三個轆嘅滑板車，特徵係頭部用兩個轆嘅設計，穩定性比兩轆滑板車好，但係亦因為佢太過穩定，導致除咗用嚟代步之外就冇太多功能，唔可以用喺特技表演。
- 蛙式滑板車
特徵係雙踏板設計，可以雙腳喺踏板嗰陣轉方向，同樣亦因為三轆嘅結構，喺特技嘅發揮上冇兩轆嘅豐富。
- 特技滑板車
同兩轆滑板車嘅外型好相似，不過手柄更加闊，有更好嘅穩定度，所以喺特技嘅支援能力上比兩轆更加好。
- 越野滑板車
裝有避震器等設備，重量比較重。
睇埋
[編輯]參考
[編輯]- ↑ "Deep Bay Marshes" (PDF). Journal of the Hong Kong Branch of the Royal Asiatic Society Vol. 13 (1973 ). 1973.