漆咸群島

漆咸群島位置

漆咸群島空照圖。當中以漆咸群島最大，必島次居第二

漆咸群島（英文：Chatham Islands），係紐西蘭一個群島，喺南島基督城東面840km位，面積966平方公里。佢亦係紐西蘭，以至西蘭大陸最東邊嘅地方，大約喺400萬年前開始露出水面。

佢與世隔絕嘅位置孕育唔少特有動植物種，尤其雀，當地嘅哺乳類得海豹等海洋物種，同埋貓等入侵物種。唔少物種喺人類到埗後滅絕，淨低嘅正受到保育。同樣地，莫里奧里人曾經係當地原住民，估計從北面遠洋遷移，但係幾乎畀入侵嘅毛利人（紐西蘭原住民）趕盡殺絕。所以宜家嗰600名居民基本上都係外來血統。

由於群島近國際換日線以西，早期佢係全球時區最快嘅地方，不過基里巴斯政府喺1994年12月23號宣佈改時區兼喺1995年1月1號生效而跌落到第二快嘅地方。同基里地馬地同千禧島相比慢咗15分鐘（夏令時）到1個鐘頭又15分鐘（平時）。