潘蘇通

潘蘇通，JP，廣東韶關人，香港建制派（傳統親中派）政治人物（港島聯前任首席會長）、生意人（高銀地產老細）。

參政、選舉經歷

2020年，身為全國政協香港委員嘅佢曾經有份簽署一份全國工商聯嘅聲明，內容支持北京政府未經諮詢或香港人同意而強行訂立，同時引起泛民主派一致負評嘅《中華人民共和國香港特別行政區維護國家安全法》。

喺2021年9月，佢成為香港特别行政區選舉委員會基層社團當然委員。之後佢喺李家超無提政綱嘅情況下，有份提名李家超參與2022年香港行政長官選舉。

破產

2022年7月，佢被香港高等法院頒令破產。

馬主生涯

由2011年到2022年，潘蘇通、潘劉建明兩公婆開始參與香港賽馬活動，以高價買入多匹賽駒，包括手風順、事事為王、大運財、大印銀紙、王者無敵、代代為王、大運起、大雄圖、大金庫、大運當頭、事事亨通同埋運財再來。