烏克蘭足球代表隊

出自維基百科,自由嘅百科全書
(由烏克蘭國家足球隊跳轉過嚟)

烏克蘭足球代表隊,係代表烏克蘭嘅足球代表隊,由烏克蘭足球總會管轄。自從蘇聯解體之後,佢哋就代表烏克蘭呢個獨立國出戰國際賽,佢哋嘅首場比賽係喺1992年4月29號對匈牙利

歷史[編輯]

蘇聯未解體之前,烏克蘭球員只可以代表蘇聯足球代表隊出賽,就算蘇聯解體之後,烏克蘭都仲要被禁止參加國際主要賽事直到1994年。

喺2005年之前,烏克蘭從未入過重要大賽(例如FIFA世界盃歐洲國家盃)嘅決賽周。

2006年FIFA世界盃,球隊喺外圍賽表現出色,最終出線決賽周,係烏克蘭第一次參加重要大賽嘅決賽周。喺決賽周,烏克蘭攞到小組次名出線十六強,然後憑住互射十二碼淘汰瑞士晉級八強,最終以0-3輸咗畀最後攞到冠軍嘅意大利出局,但已經係烏克蘭史上最好嘅大賽成績。

另外,烏克蘭分別喺2012年2016年打入歐洲國家盃決賽周,不過就喺小組賽出局。到2020年歐洲國家盃,烏克蘭連續第三次晉身歐洲國家決賽周,喺小組賽分別輸咗畀荷蘭奧地利,只能打敗北馬其頓,以最佳分組第三名歷史性晉級十六強。佢喺加時絕殺瑞典晉級八強。最終喺八強以0-4輸咗畀英格蘭

出名球星[編輯]

出面網頁[編輯]