熒光幕
(由熒幕跳轉過嚟)
想搵第二個意思嘅話，請睇顯示器。熒光幕係用來睇畫面嘅電子架生。電視、電腦、遊戲機、示波器同好多電子儀器都要用到熒光幕來睇資料。熒光幕可以係單色或者彩色。原本熒光幕係用陰極射綫原理，今時今日，唔少熒光幕已經轉用液晶體，有機發光二極管（LED），甚至用等離子。
本義同引伸
[編輯]
熒光幕，本身淨係指顯像管有畫面發光嘅部份。當電子束落響熒光幕上，令熒光物質發光。熒光幕只係顯像管嘅一部份，顯象管亦只係電視、示波器、電腦熒光幕其中嘅零件。
一般人最先接觸係電視機，熒光幕淨係指顯示會郁嘅畫面最嘅部份，好清晰嘅區分。之後電腦同用顯示嘅 "monitor" 開始普及起黎，每當有新嘢，用途類似，人一樣用舊時相似嘅嘢來講，好似汽車都唔會有蒸汽，都一樣叫汽車，火車家下唔用火，一樣叫火車。講下講下，有人用「熒光幕」來講成件架生本身，約定俗成，有人將熒光幕當做用黎顯示嘢件嘢個名喇。
值得注意嘅冇人會將「熒光幕」當做電視嘅代替名詞，皆因兩個詞已經響功能豎有分工喇，指唔同嘅嘢。不時會聽倒「熒光幕前嘅藝員」，熒光幕係電視會畫面，藝員響熒光幕前「出現」。
電腦
[編輯]内文：電腦熒光幕