燃點香港全民覺醒遊行

燃點香港全民覺醒遊行

燃點香港全民覺醒遊行，又叫八二四觀塘區遊行，係2019年8月24號由香港民間人士發起嘅一次反逃犯條例修訂公眾遊行，同時表達對觀塘區內智能燈柱涉嫌侵犯私隱嘅關注。遊行由觀塘駿業街遊樂場行去九龍灣零碳天地。呢次遊行主辦單位宣稱有4千人參加。

遊行之前，港鐵頭一次用遊行做理由預先暫停觀塘綫彩虹站同調景嶺站之間嘅服務。另外，遊行期間，激進示威者破壞智能燈柱，又同警方發生衝突。