燉冬菇
（demotion），書面語嗌 降級
或者 降職
，係指喺公司或者其他機構組織入面，打工仔嘅職位畀人強制性降低，有時連人工都扣埋。而畀人燉冬菇嘅原因可能因為遲到得太多，做錯嘢或者違反咗某啲規定等等。喺某啲情況之下，如果打工仔嘅工作表現唔好或者公司面臨緊財務危機，噉嗰個人就有機會畀人燉冬菇。
至於點解叫燉冬菇，係因為以前香港差人嘅軍帽就好似一隻冬菇，以往當差，由軍裝調去便衣就係一種「升調」，意味住做得出色。如果便裝犯錯，就會畀人「下調」再着返軍裝，即係又要戴返嗰頂似冬菇嘅軍帽，所以俗稱「燉冬菇」[1]。
