狀元坊

出自維基百科,自由嘅百科全書
Jump to navigation Jump to search
狀元坊嘅東牌坊

狀元坊粵拼zong3 jyun4 fong1);之前嗌過泰通里taai3 tong1 lei5*2)嘅名,佢係中國廣東省廣州市入面嘅其中一條好出名嘅內街巷。佢從古代行到而家已經足足有700幾年歷史。呢條內街巷甚至喺國外都有佢咁響噹噹嘅名。而呢條內街巷喺越秀區入面,人民南路天成路之間嘅位,大新路嘅南邊冇幾遠嗰度。呢條內街巷俾人話成係廣州入面,最出名嘅時尚集中地、後生仔女嘅shopping天堂。佢每日都有超過10000嘅人流經過呢條街。

敘述[編輯]

呢條接有260米長,有5——7米闊,其中最窄嗰邊有2米到。

[編輯]

關於呢條內街巷嘅名,到而家就有兩種講法,有人話係之前有間「朱義盛」嘅金銀首飾檔,有人話係宋朝尾嗰陣出咗個狀元。

所謂宋朝尾嗰陣出嘅狀元[編輯]

睇埋:張鎮孫

張鎮孫喺細個嗰陣好努力學習,到咗12歲就變咗個神童。喺佢15歲嗰陣(1240年)就參加咗鄉試,重攞咗好叻嘅成績返嚟,入咗中舉之後就去咗京師(而家係北京)嗰邊考試。就喺殿試策入面就提出咗「國家以民為脈」嘅嘢,甚至重建議皇帝要有「愛民之仁」,重提出要嚴格對待啲貪官腐敗制度嚟保障民生。喺嗰時,佢都算幾威水下,因為佢攞咗狀元返嚟。而南宋嘅杜宗皇帝重睇啱咗佢寫嘅《殿試策》,話都寫得幾好,之後佢寫咗首詩嚟讚嗰位新科狀元。

嗰時有位嗌賈似道嘅奸臣就爲咗培植勢力,就想扯埋張鎮孫落水,話一定要識得幫佢報恩。點知張鎮孫連句「多謝」都唔講聲就俾奸臣排斥咗佢,結果張鎮孫就自己喺屋企搞嘢喇。

宋朝尾[編輯]

到咗公元1276年,由於元軍殺到埋嚟,點知南宋政權就輸咗畀元軍,嗰時張鎮孫就激到騰騰震喇,佢就號召咗一大堆人嚟一齊抵制元朝。而嗰時嘅宋端宗就落咗道詔嚟獎佢做軍政嘅任務,最後張鎮孫就整頓軍隊嚟搞掂啲元軍,最後收復廣州。而嗰時文天祥梅州都收復埋。

點知過咗半年,元軍就捲土重來,重嗌咗好多個兵仔秒殺南宋。雖然張鎮孫又出咗幾千部船喺珠江嗰度猛咁打,但最後元軍重係復仇成功。喺呢場激戰入面,由於冇嗮糧食、加上冇嗮外援。結果張鎮孫寧願自己死咗佢都唔想將成個廣州俾元軍打沉,最後佢俾元軍押到京師嗰邊。就喺押去京師半佬,張鎮孫就自己嬲到喺大庾嶺度自殺。

所謂「泰通里」[編輯]

雖然話歷史入面同張鎮孫嘅「以城降」有關嘅嘢重一直喺度拗緊,不過廣州人就將張鎮孫嘅故居整咗個狀元牌坊,重將之前佢哋住嘅泰通里改咗嗌「狀元坊」重一直用到而家。

所謂「朱義盛」嘅金銀首飾檔[編輯]

明朝嗰陣,呢條街入面有間嗌「朱義盛」嘅金銀首飾檔,喺佢開舖嗰陣就成日掛塊牌上去嘅,不過呢嚿招牌真係認真麻煩,因為成日差啲就掛唔到咁滯。點知倫文敘就嚟咗呢度就乜衰嘢都冇嗮,之後呢間「朱義盛」嘅金銀首飾檔生意就鬼咁旺。後嚟啲人就作咗個《狀元坊同朱義盛》嘅古仔。

特色[編輯]

之前呢條街係一直賣刺繡做戲衫褲嘅生意,而家就係賣好多裝飾品同玩具仔,重有大大細細嘅潮流服飾都喺呢度賣;入面甚至重有好多間食嘢嘅舖頭響度。到而家為止,呢條街都好旺。

相關書籍[編輯]

[編輯]

座標: 23°6′59.42″N 113°14′53.8″E / 23.1165056°N 113.248278°E / 23.1165056; 113.248278