跳去內容

猶太燭台

出自維基百科，自由嘅百科全書
重建既耶路撒冷聖殿的燭台（以色列聖殿研究所製作）

猶太燭台（希伯來文：מְנוֹרָה‎‎，mənōrā；英文：menorah）係希伯來聖經同埋喺後嚟既古代資料裏面提到既禮儀用品。係用喺會幕（希伯來文：משכן‎，Mishkan；英文：Tabernacle；意思係「帳篷」、「神既居所」）同埋耶路撒冷聖殿既一種可以放七枝蠟燭既燭台[1]。 自古以來，佢一直係代表猶太教同埋猶太人，無論係以色列本土，定係散居海外，既象徵[2]。 喺1948年以色列建國之後，佢成為以色列國既官方國徽。

根據《聖經·出埃及記》第三十七章，燭台係以色列名工匠藝人比撒列（希伯來文：בְּצַלְאֵל；英文：Bezalel）用純金製成既[3][4]。根據希伯來聖經，唯一准用既點燈燃料係新鮮既橄欖油，呢點同《聖經·出埃及記》第二十七章所講，用清橄欖油點燈相似。燭台係放喺會幕嗰度。

聖經學者認為，所羅門聖殿（Solomon's Temple）有十個燭台，後嚟俾巴比倫人（Babylonians）搶走咗；據說第二聖殿（Second Temple）亦都曾經有燭台。 Following the Roman destruction of Jerusalem and公元70年，羅馬人摧毀耶路撒冷同埋聖殿之後，燭台俾人帶咗去羅馬；依家仍矗立喺意大利羅馬城既古羅馬廣場東南聖道上面既提圖斯凱旋門（意大利文：Arco di Tito；拉丁文：Arcus Titi；英文：Arch of Titus），畫咗凱旋而歸既羅馬人，喺俾佢哋破壞咗既聖殿嗰度，搶走燭台同埋其他戰利品既情景。 喺455年羅馬俾人洗劫之後，這座燭台俾汪達爾人（英文：Vandals）帶到迦太基（拉丁文：Carthago，阿拉伯文：قرطاج‎；英文：Carthage）。拜占庭（希臘文：Βυζάντιον，拉丁文：Byzantium）歷史學家Procopius話，拜占庭軍隊喺公元533年拎咗燭台，將佢帶到君士坦丁堡，後來又將佢送返去耶路撒冷，但係佢亦都提到好多其他講法。燭台既最終命運，一直以嚟都無有關佢既去向既明確證據同埋記錄。

燭台經常俾人用作猶太藝術既象徵，依家無第一聖殿時期燭台既資料，但係有啲第二聖殿時期既燭台資料記錄。 發現既燭台圖像包括朱迪亞（Judea）最後一位哈斯蒙尼王朝（Hasmonean）國王安提柯二世（Antigonus II）馬塔提亞斯（又譯做瑪塔提雅，Mattathias）既硬幣、耶路撒冷上城豪宅、耶孫墓（Jason's Tomb）牆上既圖像，同埋抹大拉石頭（Magdala stone）等。第二聖殿俾人毀滅之後，燭台俾人認定咗係獨特既猶太像徵，俾人畫咗喺墓牆、猶太教堂地板、雕塑、浮雕，同埋玻璃同埋金屬製品上面。從嗰陣時起，燭台亦都俾人用嚟區分猶太教堂、猶太墓地同埋基督徒、異教徒既禮拜場所、墓地[5]。喺古代撒瑪利亞人（Samaritan）、基督教同埋伊斯蘭社區既一啲考古文物嗰度亦都有發現呢個符號[6]。光明節燭台係燭台既九枝蠟燭變體，同猶太教既光明節有密切關係[7]。

結構同埋外觀

[編輯]

希伯來聖經

[編輯]

根據舊約聖經（希伯來聖經），上帝向摩西講咗點樣設計燭台[8]：

31要用精金作一個燈臺．燈臺的座、和榦、與杯、球、花、都要接連一塊錘出來。 32燈臺兩旁要杈出六個枝子、這旁三個、那旁三個。 33這旁每枝上有三個杯、形狀像杏花、有球、有花．那旁每枝上也有三個杯、形狀像杏花、有球、有花．從燈臺杈出來的六個枝子、都是如此。 34燈臺上有四個杯、形狀像杏花、有球、有花． 35燈臺每兩個枝子以下、有球、與枝子接連一塊．燈臺出的六個枝子、都是如此。 36球和枝子要接連一塊、都是一塊精金錘出來的。 37要作燈臺的七個燈盞．祭司要點這燈、使燈光對照。 38燈臺的蠟剪、和蠟花盤、也是要精金的。 39作燈臺和這一切的器具、要用精金一他連得。 40要謹愼作這些物件、都要照着在山上指示你的樣式。

抄自《聖經（和合本）• 出埃及記》第25章 第31至40節[9]

《民數記》（第8章）補充話：

  1. 耶和華曉諭摩西說、
  2. 你告訴亞倫說、點燈的時候、七盞燈都要向燈臺前面發光。
  3. 亞倫便這樣行．他點燈臺上的燈、使燈向前發光、是照耶和華所吩咐摩西的。
  4. 這燈臺的作法、是用金子錘出來的、連座帶花都是錘出來的．摩西製造燈臺、是照耶和華所指示的樣式。

抄自《聖經（和合本）• 民數記》第8章 第1至4節 [10]

其他

[編輯]
邁蒙尼德（Maimonides）畫既燭台

拉比（Rabbinic）資料顯示，燭台高18隻手掌（三隻前臂），大約1.62 公尺（5.3 英尺） 。雖然燭台放喺聖殿聖所既前廳，靠住最南面既牆，但係《塔木德》（希伯來文：תלמוד‎；英文：Talmud）（參考Menachot.98b[11]） 引起咗兩位學者關於燭台係「從北到南」定係「從東到西」放置既爭論。呢啲分支通常在藝術上被描繪成半圓形，但拉什（英文：Rashi） 根據一啲當時既讀物，同埋西班牙猶太哲學家邁蒙尼德（Maimonides，1135—1204年） 認為佢哋係直放既 ；所有其他猶太權威，無論係古典既（例如，Philo同Josephus）定係中世紀既（例如，Ibn Ezra），都對呢個主題發表咗意見，認為燭台臂係圓既。

睇住聖殿被毀既羅馬猶太歷史學家約瑟夫話，燭台實際上係斜斜哋向東同向南放既。

提圖斯凱旋門

[編輯]
羅馬提多凱旋門上描繪既燭台

保存得最好既第二聖殿燭台作品當中，最出名既係提圖斯凱旋門上既飾帶（Frieze）。凱旋門係紀念公元70年耶路撒冷城被毀之後，喺羅馬舉行既凱旋遊行[12]。喺凱旋門既飾帶嗰度，燭台放喺六角形既底座上面，而六角形底座又放喺稍大、形狀相同既同心底座上面；咁樣，喺所有既側面睇落去都有梯形既外觀。六邊形底座既每個面，都由兩個垂直既門框同兩個水平既欄桿（頂同底既欄桿）製成，睇落好似凹咗既面板上面有突出既框。呢啲面板上面有一啲浮雕設計同雕刻。

抹大拉石

[編輯]
係抹大拉（Magdala）遺址發現，畫咗燭台既石頭

喺2009年，喺基督軍團（Legionaries of Christ）擁有既土地既下面發現咗抹大拉猶太教堂（Magdala Synagogue）既遺址[13]，裡面有第二聖殿被毀之前既陶器。基督軍團原本打算喺嗰度起一間婦女研究中心。 喺猶太教堂既遺址嗰度，發現咗一塊雕刻咗既石塊，除了佢既華麗雕刻之外，佢既表面仲刻有七燈燭台既圖畫，不過佢同提圖斯凱旋門上面畫既有明顯既唔同；凱旋門上面嗰幅畫，好可能係由一個目擊者，根據佢當時喺耶路撒冷聖殿嗰度睇到既實際燭台畫既。呢個燭台既臂係多邊形既，唔係圓形既，底座唔係漸變既，而係三角形既。但係，值得注意既係，呢件文物係喺距離耶路撒冷好遠既地方發現，提多凱旋門經常俾人解釋做目擊者畫既，描繪咗耶路撒冷聖殿，包括聖殿原本既燭台，俾羅馬洗劫一空既情況。

用法

[編輯]

根據《出埃及記》，燭台上既燈，每日都要用新鮮既橄欖油嚟點，從傍晚一直點到清晨[14]。

約瑟夫指出，七盞燈其中既三盞亦都可以喺日頭既時候點 ；不過，根據《塔木德》既一種觀點，只有中間嗰盞燈先至係一直點著既，呢盞燈用既油同其他燈係一樣多既[15] 。雖然其他燈喺日頭既時候都熄咗，但嗰盞中間既燈仍然燒緊油，而且佢係最先點著既，佢無用多到油。根據《塔木德》，呢個係神蹟，係「Shekhinah」同以色列人同在既象徵[16]。

註：「Shekhinah」（希伯來文： שְׁכִינָה；英文音譯：Shekhinah，英文意思係 Divine Presence，中文意思係：神聖存在），又譯做「舍金那」，係一個猶太神學，將榮耀同居住兩個概念結合，成為舍金那，表示上帝同人既親近、同在[17]；不過，中文同英文版既聖經嗰度都無直接提到「Shekhinah」呢個詞語[18]。

因為呢盞燈既燈芯向西，所以呢盞燈又叫「西方之燈」（ner hama'aravi，英文：Western lamp）。根據《撒母耳記上》3:3，呢盞燈亦都叫做「上帝之燈」（ner Elohim；英文：lamp of God），又譯做「神的燈」[19][2]。 A根據《塔木德》，公元前3至4世紀，正義者西蒙 (Simon the Just) 擔任高級祭司之後，「西方之燈」既奇蹟就結束咗[20]。

同一啲現代設計相反，古代燭台燃燒既係油，並唔係任何類似蠟燭既嘢，直到公元400年左右，中東人先至知道有蠟燭既存在。

歷史

[編輯]

影響

[編輯]

拉吉壺（Lachish ewer）被視為一種「缺失的環節」，以證明美索不達米亞（Mesopotamian）既設計「直接影響咗燭台既設計，佢哋都係座枱同杏樹形既[21]」 [22]。

會幕

[編輯]

最初既燭台係為會幕而製作既，聖經記載佢既存在，直到以色列人渡過約旦河，就無再提。普遍認為當會幕帳篷喺示羅搭起既時候，燭台已經喺嗰度。 不過，喺「撒母耳」（Samuel ）同「掃羅王」（Saul）時代，無提到任何約櫃既搬遷[23]。

所羅門聖殿

[編輯]

根據《列王紀下》同《歷代誌》，所羅門整咗十個燈臺（燭台），放喺所羅門聖殿既主廳 Heikal 嗰度。 燈檯既重量係大衛王俾所羅門（註：所羅門係大衛王既仔）詳細指示既一部分。 根據《耶利米書》，耶路撒冷被毀之後，燈臺俾巴比倫將軍尼布撒拉旦（Nebuzaradan）攞走咗。

第二聖殿

[編輯]

喺「回歸錫安」（希伯來文：שִׁיבָת צִיּוֹן；英文：Return to Zion）之後，起第二聖殿（Second Temple）期間，無提到歸還燭台，只有提到歸還「器皿」。 《馬加比書》（The book of Maccabees）記載安提阿古四世（Antiochus IV）喺掠奪聖殿既時候攞走咗啲燈臺[24]。

英文版《1 Maccabees》1:21 原文：「He arrogantly entered the sanctuary and took the golden altar, the lampstand for the light, and all its utensils」[25]；中文版《馬加比一書》 1:21 原文係：「他狂傲地進了聖所，掠去了金祭壇、發光的燈臺、所有的器皿……」[26]。

後來關於製造「新聖器」（new holy vessels）既記載可能係指製造新既燈臺。 注意：英文版《1 Maccabees》4:49 原文：「They made new holy vessels, and brought the lampstand, the altar of incense, and the table into the temple[27]」；中文版《馬加比一書》4:49 原文係：「然後，他們按照律法，用未曾鑿過的石頭，仿照原先的樣式，建造了一座新祭壇[28]」，兩個版本既講法有啲唔同。

根據《塔木德》記載，當時既哈斯蒙尼王朝（Hasmoneans）好窮，被迫用木頭整燭台。佢哋後嚟將啲燭台升級成銀造既，最後用金造。

羅馬

[編輯]
海耶茲（意大利文：Francesco Hayez）喺1867年畫既布面油畫「摧毀耶路撒冷聖殿」，左下角畫咗燭台俾羅馬士兵帶走咗既情景。

公元70年，第一次猶太羅馬戰爭打得最激烈既時候，耶路撒冷被毀，第二聖殿既燭台俾人帶咗去羅馬。約瑟夫記錄咗燭台既命運，佢話燭台俾羅馬人攞咗去羅馬，而且維斯帕先（拉丁文：Vespasiānus，羅馬帝國第九位皇帝）同埋提圖斯（拉丁文：Titus，羅馬帝國第十位皇帝）凱旋而歸期間，一直隨身攜帶住[29]。羅馬提多凱旋門上既浮雕描繪咗羅馬士兵帶走第二聖殿戰利品既場景，當中包括燭台[30]。

幾個世紀以來，燭台同其他聖殿既珍寶都係當做戰利品，展示喺羅馬既和平神廟（拉丁文：Templum Pacis；英文：Temple of Peace）同埋皇宮嗰度[31]。 喺公元455年，汪達爾人（Vandals ）洗劫羅馬城既時候（史稱「羅馬之劫」；英文：Sack of Rome），燭台仍然喺羅馬[32]。

喺「羅馬之劫」之後

[編輯]
布留洛夫（Karl Bryullov） 喺1833-1836年間畫既「羅馬之劫」，描繪咗俾汪達爾人搶走既燭台

公元455年「羅馬之劫」既時候，羅馬喺耶路撒冷聖殿搶返嚟既燭台同埋其他珍寶，都俾汪達爾人劫走咗，帶咗去汪達爾王國既首都迦太基[33][34][35] 。喺533年6月，貝利撒留（Belisarius）將軍率領拜占庭軍隊，擊敗咗汪達爾人，佔領咗迦太基，嗰陣時蠟台仲喺拜占庭。貝利撒留搬走咗燭台同其他財寶，將佢哋當成戰利品，帶到君士坦丁堡。根據古希臘後期既歷史學家 Procopius 既講法，喺貝利撒留既凱旋遊行期間，燭台曾經俾人抬住遊行，穿過君士坦丁堡既大街[36][33][34][35]。 Procopius 補充話，查士丁尼（Justinian）出於迷信，擔心呢啲寶藏對羅馬同埋迦太基唔吉利，將佢哋送返去耶路撒冷既「基督徒聖地」。不過無任何關於佢哋到達耶路撒冷既記錄，亦無跡象表明曾經有人去達耶路撒冷既燭台神社去朝聖。如果啲燭台真係俾人送返去耶路撒冷，佢哋好可能喺614年耶路撒冷俾波斯人掠奪既時候唔見咗，雖然有傳說話佢哋係由聖人秘密咁收起嚟，就好似傳聞最初既燭台，喺尼布甲尼撒二世（Nebuchadnezzar II）入侵既時候，俾人收埋咗[33][34][37][36]。

傳說同理論推測，燭台可能已經俾征服者熔咗成金磚，可能喺火災既時候熔咗，可能俾人保存或者運返去君士坦丁堡，亦可能喺海難既時候沈咗落海。有一個持續存在既謠言係梵蒂岡將燭台收埋咗好幾個世紀。有些人聲稱燭台係保存喺梵蒂岡城，有啲人就認為燭台喺聖約翰拉特蘭大殿（意大利文：Basilica di San Giovanni in Laterano；英文：Archbasilica of St. John Lateran；中文亦譯做「拉特朗聖若望大殿」）既地窖嗰度[32][38]。

喺拉比納坦（Rabbi Natan）既《Avot》（同巴比倫「塔木德」既「次要篇章」小冊子一齊印刷既），列出咗猶太寶藏，根據猶太人既口述妥拉，呢啲寶藏仍然喺羅馬，幾個世紀以來一直都喺嗰度。

嗰啲整咗出嚟然後俾人藏起既嘢係：會幕同會幕裏面既器皿、約櫃同破碎既法版、盛嗎哪（希伯來文：מָן；希臘文：μάννα；英文：manna，係一種上帝俾既食物）既容器、一瓶膏油、亞倫之杖（開咗花同有杏仁）、祭司服裝，同埋受咗膏（anointed；搽咗油）既 [大] 祭司服裝。但是，阿夫蒂納斯（Avtinas ）家族既香料研磨器（用嚟整聖殿用既獨特香料]、[陳設餅]既[金]枱、燭台、[將「聖所」同「至聖所」隔開既簾]、[金] 頭板，都仲喺羅馬[39]。

象徵主義

[編輯]

猶太教

[編輯]
猶太燭台，公元4-5世紀以實提莫（Eshtemoa ）猶太教堂（洛克菲勒博物館收藏）

通常我哋會將光同知識、智慧、智力、精神啟蒙等聯繫埋一齊[40]，所以燭台象徵住啟蒙既理想[41]。 《塔木德》有記載燭台象徵智慧既觀點，例如，「以撒拉比（Rabbi Isaac）話：想要變成有智慧既人，[祈禱時]應該向南傾斜。[記住這一點]，呢個象徵係……燭台係喺[聖殿]既南面」[42]。

七盞燈暗示咗人類知識既分支，由向內傾斜既六盞燈代表，中間嗰盞代表「上帝之光」對人類既引導。燭台亦都像徵咗七日既創造，中間嗰盞代表安息日[2]。

光明節燭台

[編輯]
嚟自奧匈帝國既19世紀光明節燭台（猶太教藝術與歷史博物館收藏）

九枝燭台亦都係同猶太教光明節（又譯做修殿節，Hanukkah）有密切既相關象徵。根據《塔木德》記載，塞琉古帝國（英文：Seleucid Empire）褻瀆咗耶路撒冷既猶太聖殿之後，剩番既密封（所以無俾佢褻瀆到）奉獻橄欖油只夠聖殿既永恆之火提供一日燃料。奇蹟發生咗，呢啲油居然燃八天都未燒哂，夠時間俾猶太人製造新既純橄欖油。

《塔木德》規定，禁止喺聖殿外用七燈燭台 ，所以光明節燭台有八個分支，加中間上升起既第九盞燈，代表 shamash（意思係 servant，僕人），佢啲火用嚟點其他燈。 雖然 Shamash 呢個詞語首次出現係喺大約公元200年既《密西拿》（Mishnah ），然後喺大約公元500年既《塔木德》（Talmud ）[43]，不過呢個詞語最初唔係一個「光明節用字」，直到16世紀先至同呢個節日聯繫埋一齊。呢種類型既燭台喺依家既希伯來文嗰度叫做 hanukkiah （光明節 [燭台]）[2]。


基督教

[編輯]
1590年紀念烏爾班七世（Urban VII）既硬幣背面，配有燭台、SIC•LUCEAT•LUX•VESTRA（Let your light so shine – 《馬太福音》 5:16）

新約聖經《啟示錄》1:20「……七燈臺就是七個教會」。 耶穌既「七燈臺就是七個教會」，至少有四種演繹：（1）針對特定城市同教會信徒既本地應用； (2) 歷代所有教會； （3）預言性既應用揭示咗從使徒約翰時代直到依家教會歷史既七個唔同階段； (4) 針對有耳聽聖靈既話既個別信徒。

亦有認為，七顆星係七個教會既使者，七個燈臺就是七個教會[44]；當中，有啲人認為使者係教會既牧師，另一啲人就認為每個教會都有一位指定既天使。

約瑟夫係對燭台既討論既時候話燭台既中燈代表太陽，周圍環繞住月亮同埋其他五粒行星[45]。 有啲學者認為，猶太燭台既七盞燈次代咗七粒古典行星：一邊係月亮、水星、金星，中間係太陽，另一邊係火星、木星、土星[46][47]。

亦有人認為佢像徵著摩西喺 Mount Horeb 上面睇到燃燒既灌木叢（英文版用：Bush；中文和合本譯做「荊棘」）[48][49]。

布爾諾（Brno）聖母升天大教堂既14世紀巨型燭台

Kevin Conner 注意到《出埃及記》第25章所描述既原始燭台，從主軸伸出嚟既六個分支，每一個都裝飾咗三組「杯、形狀像杏花、有球、有花……」（《出埃及記》25:33，和合本[50]同NASB[51]）。每個分支上面有三組，每組三個單元，咁樣，每個分支就總共有九個單元。而主軸上有四組花球，咁樣，主軸上總共有十二個單元（《出埃及記》25:34）。加埋一齊，總共有66個單元，Conner 聲稱，呢個數量，正好同新教經典（包含66本書）一樣。另外，Conner 指出，軸同三個分支上既裝飾單元總數相當於39個（新教聖經當中舊約聖經既數量）；其餘三個分支既單位數量係27（新約聖經書卷既數量） 。Conner 將呢點同聖經當中將「神既話語」視為光或者燈既段落聯繫起嚟，例如，《詩篇》119:105「你的話是我腳前的燈、是我路上的光」；《詩篇》119:130「你的言語一解開、就發出亮光……」等。

喺東正教教堂嗰度，一直保留住用燭台既傳統，總係放喺聖所既祭壇上面或者係祭壇既後面[52]。雖然可以用蠟燭，但係傳統既做法係用橄欖油點燭檯上嗰七支燈。禮拜儀式有唔同既做法，通常所有既七盞燈都會喺做儀式既時間點著；但係有時喺做較小型既儀式既時候，只有最中間既三盞燈會點著。如果教堂無聖所燈，七盞燈既中心燈可能會好似「永恆之光」一樣，保持長著。

藝術

[編輯]

猶太藝術

[編輯]
拜特謝阿里姆墓地（Beit She'arim necropolis）石棺洞穴嗰度既燭台

從第二聖殿時期到第三次猶太–羅馬戰爭（Bar Kokhba 起義）呢段時間，藝術裝飾好少用猶太燭台。少量發現咗既猶太燭台例子包括：喺 Mukhmas（古代 Michmas）附近既墓穴裡面[53]、喺耶路撒冷舊城區既希律區（Herodian Quarter）、同抹大拉既抹大拉石上[54]。喺羅馬晚期同拜占庭時期，猶太藝術，特別係猶太喪葬藝術，燭台亦用得相當普遍。

撒瑪利亞藝術

[編輯]

撒瑪利亞石燈係拜占庭時期撒瑪利亞猶太教堂既一大特色[55]。

撒瑪利亞人主要係住喺依家既特拉維夫到海法之間既地區。撒瑪利亞人係聖經嗰度講既，以色列北部部落既後裔。佢哋發展咗自己獨特既文化，包括特殊符號、藝術同油燈。撒瑪利亞燈既形狀同裝飾都好獨特，呢啲燈出現喺羅馬時期既後段至伊斯蘭時期既早段。佢哋唔係信猶太教、穆斯林教或者基督教，佢哋有自己獨特既宗教信仰。

現代燭台用法

[編輯]

猶太教堂

[編輯]

猶太教堂裏面存放妥拉捲軸既托拉櫃前有一盞持續點亮既燈，叫做「ner tamid」（永恆之光；英文：eternal light）。呢盞燈代表聖殿時代用既燭台上面，不斷點著既「ner Elohim」（上帝之燈；英文：the lamp of God）[2]。 另外，好多猶太教堂展示燭台或者燭台既藝術表徵。

以色列國

[編輯]
以色列國徽上面有一個燭台，兩側各有一支橄欖枝，個燭台係根據提圖斯凱旋門上面既燭台而設計，下面寫咗「ישראל」（以色列）字樣。

以色列國徽上面既燭台係基於提多凱旋門既燭台雕刻。

聖殿學院重建

[編輯]

聖殿研究所製作咗一個真人咁高既燭台，由金匠 Chaim Odem 設計，打算用喺未來既第三聖殿（希伯來文：בית המקדש השלישי‎）[56]。《耶路撒冷郵報》將燭台描述做「根據極為嚴格既聖經規範製作，並準備喺需要既時候立即投入使用」[57]。 燭台由一塔蘭（古代中東、希臘、羅馬等地方用既重量單位，大約喺依家既45公斤）既24卡純金製成，由一整塊純金錘打而成，佢既裝飾會係基於提圖斯凱旋門上面既雕刻，加上聖殿研究所（Temple Institute）對聖殿有關既宗教文本既詮釋。

現代猶太教

[編輯]

「第一猶太軍團」（1919-1921）既帽徽上有燭台標誌[58]。

有時，喺教希伯來文既時候，會用形狀似七燈燭台既圖表嚟幫啲學生記住希伯來文既動詞 binyanim[59]。註：希伯來文動詞分為七種 binyanim，每個 binyan 都描繪咗一種特定既 shoresh (字根，希伯來文：שרוש；英文：root letters）。

燭台亦都係幾個大屠殺紀念館既主要元素[60]。

  • 以色列國會外既猶太燭台
    以色列國會外既猶太燭台
  • 猶太軍團帽徽：燭台和「קדימה」（英文：forward）字樣
    猶太軍團帽徽：燭台和「קדימה」（英文：forward）字樣
  • Theresienstadt 集中營猶太公墓既燭台紀念碑
    Theresienstadt 集中營猶太公墓既燭台紀念碑
  • 烏克蘭巴比亞爾（Babi Yar, Ukraine）燭台紀念碑，紀念俾納粹殺害既33,771名猶太人
    烏克蘭巴比亞爾（Babi Yar, Ukraine）燭台紀念碑，紀念俾納粹殺害既33,771名猶太人
  • 奧地利既以色列國燭台紀念碑暨紀念花圈
    奧地利既以色列國燭台紀念碑暨紀念花圈

類似既嘢

[編輯]

同燭台一樣，基納拉（kinara）亦都係七支蠟燭既燭台，同非裔美國人既寬扎節（英文：Kwanzaa）有關。七支蠟燭象徵寬扎節既七個教義，喺12月26號到下一年既1月1號舉行既一個禮拜既寬扎節活動嗰陣時，每日會點一支蠟燭[61]，方式有啲似光明節既燭台。

道教既七星燈係七盞油燈，代表北斗七星[62][63]。 所有道觀都一定有七星燈，七星燈既火唔可以熄。呢啲燈代表著七顆星星既光芒，佢哋相信點呢啲燈可以赦免罪孽，同埋延長壽命[64]。喺農曆九月九號既重陽節，都會點九盞相連既油燈，以紀念北斗七星君（即係：貪狼、巨門、祿存、文曲、廉貞、武曲、破軍）同埋另外兩粒副星（兩個星君：左輔、右弼），加埋叫九皇星（又叫做九皇大帝或者九星君）[65][66]。

流行文化

[編輯]

燭台喺英國歷史學家、作家、記者兼律師賽爾伍德（Dominic Selwood）喺2013年創作既歷史懸疑解密驚悚偵探小說《摩西之劍》（The Sword of Moses）扮演咗重要既角色[67]，考古學家兼暢銷小說作家 David Gibbins 喺2006年寫既考古歷史驚悚冒險小說《黃金十字軍》（Crusader Gold）[68][69]，英國暢銷書作家、考古學家兼記者 Paul Sussman 喺2006年寫既懸疑驚悚小說《聖殿最後的秘密》（The Last Secret of the Temple）[70]，W.S. Mahler 喺2023年寫既考古驚悚小說 The Testament of Elias。燭台亦喺電影《變種特攻：異能第一戰》（X-Men: First Class）出現；當有心靈感應能力既超級英雄 X教授（Charles Xavier）對「萬磁王」（Erik Lehnsherr）讀心既時候，搵到佢喺大屠殺（Holocaust）之前既童年快樂記憶，佢哋一齊睇到細個既時候，仲喺細路仔既「萬磁王」同佢阿媽一齊，第一次點燭台。

畫像

[編輯]
  • 第二聖殿期間既石碑（以色列 Peki'in 一間猶太教堂收藏）
    第二聖殿期間既石碑（以色列 Peki'in 一間猶太教堂收藏）
  • 畫咗燭台照明既1738年祈禱書（以色列國家圖書館藏）
    畫咗燭台照明既1738年祈禱書（以色列國家圖書館藏）
  • 呢幅1806年既法國版畫，攞住燭台既女人代表 Napoleon Bonaparte 解放咗猶太人
    呢幅1806年既法國版畫，攞住燭台既女人代表 Napoleon Bonaparte 解放咗猶太人
  • Harry S Truman 收藏既基帕（希伯来文：כִּפָּה‎；英文：Kippa，無邊帽） 同燭台
    Harry S Truman 收藏既基帕（希伯来文：כִּפָּה‎；英文：Kippa，無邊帽） 同燭台
  • 保加利亞猶太社區 Tsarska Bistritsa 送俾沙皇鮑里斯三世（Tsar Boris III）既燭台
    保加利亞猶太社區 Tsarska Bistritsa 送俾沙皇鮑里斯三世（Tsar Boris III）既燭台
  • 嚟自西班牙既 Sephardic 風格燭台
    嚟自西班牙既 Sephardic 風格燭台
  • 基督教堂旗上面既燭台
    基督教堂旗上面既燭台
  • Fray Juan Ricci（公元1600-1681年）根據《出埃及記》描述畫既燭台草圖，日期不詳（卡西諾山國家紀念圖書館）
    Fray Juan Ricci（公元1600-1681年）根據《出埃及記》描述畫既燭台草圖，日期不詳（卡西諾山國家紀念圖書館）
  • 燭台插圖，發表喺1709年既《Acta Eruditorum》
    燭台插圖，發表喺1709年既《Acta Eruditorum》

睇埋

[編輯]

延伸閱讀

[編輯]
  • Fine, Steven. 2010. "'The Lamps of Israel': The Menorah as a Jewish Symbol." In Art and Judaism in the Greco-Roman World: Toward a New Jewish Archaeology. By Steven Fine, 148–163. New York: Cambridge University Press.
  • --. 2016. The Menorah: From the Bible to Modern Israel. Cambridge, MA: Harvard University Press, 2016.
  • Hachlili, Rachel. 2001. The Menorah, the Ancient Seven-Armed Candelabrum: Origin, Form, and Significance. Leiden: E.J. Brill.
  • Levine, Lee I. 2000. "The History and Significance of the Menorah in Antiquity." In From Dura to Sepphoris: Studies in Jewish Art and Society in Late Antiquity. Edited by Lee I. Levine and Ze’ev Weiss, 131–53. Supplement 40. Portsmouth, RI: Journal of Roman Archaeology.
  • Williams, Margaret H. 2013. "The Menorah in a Sepulchral Context: A Protective, Apotropaic Symbol?" In The Image and Its Prohibition in Jewish Antiquity. Edited by Sarah Pearce, 77–88. Journal of Jewish Studies, Supplement 2. Oxford: Journal of Jewish Studies.
  • Taylor, Joan E. (1995). "The Asherah, the Menorah and the Sacred Tree". Journal for the Study of the Old Testament. SAGE Publications. 20 (66): 29–54. doi:10.1177/030908929502006602. ISSN 0309-0892.

外部連結

[編輯]

參考

[編輯]
  1. ↑ Yarden, Leon (1971). The Tree of Light. Ithaca, N.Y. : Cornell University Press. ISBN 0-8014-0596-3.
  2. ↑ 2.0 2.1 2.2 2.3 2.4 Birnbaum, Philip (1975). A Book of Jewish Concepts. New York: Hebrew Publishing Company. pp. 366–367. ISBN 088482876X.
  3. ↑ 〈出埃及記 37:17~24〉。zh.wikisource.org (繁體中文)。喺2023-12-26搵到。{{cite web}}: CS1 maint: url-status (link)
  4. ↑ 〈Bible Gateway 段落: 出埃及記 37:17-24 - 中文新譯本（繁體）〉。Bible Gateway (英文)。喺2023-12-26搵到。{{cite web}}: CS1 maint: url-status (link)
  5. ↑ Hachlili, Rachel (2018). The Menorah: Evolving into the most important Jewish symbol. Leiden: Brill. ISBN 978-90-04-37509-3. OCLC 1033561712. 原先內容歸檔喺1 July 2023. 喺1 December 2023搵到.
  6. ↑ Fine, Steven (2015). "When is a Menorah "Jewish"? On the Complexities of a Symbol under Byzantium and Islam". Age of Transition: Byzantine Culture in the Islamic World. Fashion Studies. Metropolitan Museum of Art. pp. 38–53. ISBN 978-0-300-21111-5. 原先內容歸檔喺1 July 2023. 喺29 December 2022搵到. It is now apparent that the image of the menorah is ubiquitous in Samaritan visual culture of this period, to no less a degree than it is in Jewish art... The first Samaritan mosaic was uncovered in 1949, at Salbit... Were it not for the distinctly Samaritan inscription at the site, it is likely that this building... would have been called a Jewish synagogue without hesitation... Christian interest in the menorah dates perhaps as far back as the Book of Revelation... Menorahs appear occasionally in obviously Christian contexts from Late Antiquity, as Marcel Simon has noted. A menorah flanked by crosses is seen on the sixth-century tombstone of a monk at Avdat in the Negev desert, for example... One issue of bronze coins dated to the Umayyad post-reform era (after 696/97) may be particularly significant for our study. A group of bronze issues shows the image of seven- and later five-branched menorahs surmounted by a crosspiece like those that appear on many Jewish menorahs, but with the Arabic legend “There is no god but Allah alone and Muhammad is Allah’s messenger”—uniquely, on both faces of the coin.
  7. ↑ Fine, Steven (2016-12-16). "Why Does the Hanukkah Menorah Have Nine Branches?". Wall Street Journal (美國英文). ISSN 0099-9660. 喺2023-12-26搵到.
  8. ↑ 〈聖經 (和合本)/出埃及記 - 维基文库，自由的图书馆〉。zh.wikisource.org (中文)。喺2023-12-31搵到。
  9. ↑ Exodus 25:31-40 和合本
  10. ↑ 〈聖經 (和合本)/民數記 - 维基文库，自由的图书馆〉。zh.wikisource.org (中文)。喺2023-12-31搵到。
  11. ↑ "Menachot 98b". www.sefaria.org. 喺2023-12-31搵到.
  12. ↑ "Arch of Titus". penelope.uchicago.edu. 原先內容歸檔喺1 July 2023. 喺27 June 2016搵到.
  13. ↑ 〈抹大拉石：耶路撒冷聖殿的縮影 – 夏達華研道中心 Hadavar Yeshiva〉 (美國英文)。喺2023-12-31搵到。
  14. ↑ 《出埃及記》27:21
  15. ↑ "Shabbat 22b:2". www.sefaria.org. 原先內容歸檔喺3 July 2022. 喺4 July 2022搵到.
  16. ↑ "Menachot 86b:8". www.sefaria.org. 原先內容歸檔喺3 July 2022. 喺4 July 2022搵到.
  17. ↑ Miller, George (2007). The Shekinah Glory. Xulon Press. ISBN 9781602668485.
  18. ↑ "Shekinah - International Standard Bible Encyclopedia -". StudyLight.org (英文). 喺2023-12-31搵到.
  19. ↑ 《撒母耳記上》3:3
  20. ↑ "Yoma 39a:15". www.sefaria.org. 原先內容歸檔喺3 July 2022. 喺4 July 2022搵到.
  21. ↑ (《出埃及記》25:31-40, cf. 37.17-24).
  22. ↑ Taylor 1995.
  23. ↑ 《撒母耳記上》5:1
  24. ↑ 《馬加比一書》 1:21
  25. ↑ "oremus Bible Browser : 1 Maccabees 1:21". bible.oremus.org. 喺2023-12-31搵到.
  26. ↑ 《馬加比一書 1 | 次經 聖經 | YouVersion》 (臺灣中文)。
  27. ↑ "oremus Bible Browser : 1 Maccabees 4:49". bible.oremus.org. 喺2023-12-31搵到.
  28. ↑ 《馬加比一書 4 | 次經 聖經 | YouVersion》 (臺灣中文)。
  29. ↑ Archi, Alfonso (2015). Tradition and innovation in the ancient Near East: proceedings of the 57th Rencontre Assyriologique Internationale at Rome, 4-8 July 2011. Rencontre assyriologique internationale. Winona Lake (Ind.): Eisenbrauns. ISBN 978-1-57506-313-3.
  30. ↑ Greenspahn, Frederick E.; Rendsburg, Gary Alan (2017). Le-ma'an Ziony: essays in honor of Ziony Zevit. Eugene (Oregon): Cascade books. ISBN 978-1-4982-0691-4.
  31. ↑ Tucci, Pier Luigi (16 November 2017). Tucci, Pier Luigi, The Temple of Peace in Rome (2017), p.10. Cambridge University Press. ISBN 9781108548816. 原先內容歸檔喺1 July 2023. 喺16 March 2023搵到.
  32. ↑ 32.0 32.1 Povoledo, Elisabetta (20 February 2017). "Vatican and Rome's Jewish Museum Team Up for Menorah Exhibit". The New York Times. 原先內容歸檔喺22 February 2017. 喺18 May 2017搵到.
  33. ↑ 33.0 33.1 33.2 Donagan, Zechariah (November 2009). Donagan, Zechariah, Mountains Before the Temple (2009), p.66. Xulon Press. ISBN 9781615795307. 原先內容歸檔喺1 July 2023. 喺16 March 2023搵到.
  34. ↑ 34.0 34.1 34.2 Friedman, Asaf (24 May 2019). Friedman, Asaf, Art and Architecture of the Synagogue in Byzantine Palaestina (2019), p.31. Cambridge Scholars. ISBN 9781527535053. 原先內容歸檔喺1 July 2023. 喺16 March 2023搵到.
  35. ↑ 35.0 35.1 Garr, John D. (22 January 2007). Garr, John D., Living Emblems Ancient Symbols of Faith (2009), p. 68. Golden Key Press. ISBN 9780979451416. 原先內容歸檔喺1 July 2023. 喺16 March 2023搵到.
  36. ↑ 36.0 36.1 "The Project Gutenberg eBook of History of the Wars, Books III and IV (of 8), by Procopius". www.gutenberg.org. 原先內容歸檔喺26 August 2022. 喺4 July 2022搵到.
  37. ↑ Garr, John D. (22 January 2007). Garr, John D., Living Emblems Ancient Symbols of Faith (2009), p. 68. Golden Key Press. ISBN 9780979451416. 原先內容歸檔喺1 July 2023. 喺16 March 2023搵到.
  38. ↑ Donagan, Zechariah (November 2009). Donagan, Zechariah, Mountains Before the Temple (2009), pp.66–67. Xulon Press. ISBN 9781615795307. 原先內容歸檔喺1 July 2023. 喺16 March 2023搵到.
  39. ↑ "Avot D'Rabbi Natan 41:12". www.sefaria.org. 原先內容歸檔喺3 July 2022. 喺4 July 2022搵到.
  40. ↑ "The Menorah: Enlightened Spirit by Rabbi Yosef Hershman". Ohr Somayach. 喺2023-12-31搵到.
  41. ↑ Chanan Morrison, Abraham Isaac Kook, Gold from the Land of Israel: A New Light on the Weekly Torah Portion - From the Writings of Rabbi Abraham Isaac HaKohen Kook, page 239 (Urim Publications, 2006). ISBN 965-7108-92-6
  42. ↑ Epstein, Isadore, 編 (1976). Babylonian Talmud: Tractate Baba Bathra (第English and Hebrew版). Soncino Press. p. 12a. ISBN 978-0900689642.
  43. ↑ Johnson, George (15 November 2018). "Jewish Word:Shamash". Moment Magazine (英文). 原先內容歸檔喺8 May 2021. 喺5 April 2021搵到.
  44. ↑ "What is the meaning of the lampstands in the book of Revelation?". NeverThirsty (美國英文). 喺2024-01-01搵到.
  45. ↑ Acharya, S (2004). Suns of God: Krishna, Buddha and Christ Unveiled. Adventures Unlimited Press. ISBN 978-1931882316.
  46. ↑ Beke, George, L. (2007). "The Planets: Stairway to Heaven" (PDF). Alchemy Journal. 8(3). 原著 (PDF)喺2024年1月1號歸檔. 喺2024年1月1號搵到.
  47. ↑ Goodenough, Erwin R. (1950). "The Menorah Among Jews of the Roman World". Hebrew Union College Annual. 23 (2): 449–492. ISSN 0360-9049.
  48. ↑ 《出埃及記》3:2-4
  49. ↑ Robert Lewis Berman, A House of David in the Land of Jesus, page 18 (Pelican, 2007). ISBN 978-1-58980-720-4
  50. ↑ 〈聖經 (和合本)/出埃及記 - 維基文庫，自由的圖書館〉。zh.wikisource.org (繁體中文)。喺2024-01-01搵到。
  51. ↑ "Bible Gateway passage: Exodus 25 - New American Standard Bible". Bible Gateway (英文). 喺2024-01-01搵到.
  52. ↑ Hapgood, Isabel (1975) [1922]. Service Book of the Holy Orthodox-Catholic Apostolic Church (第5版). Englewood NJ: Antiochian Orthodox Christian Archdiocese. p. xxx. ISBN 978-148104918-4.
  53. ↑ Raviv, Dvir (2018). "A Seven-Branched Menorah Graffito from Kafr Mukhmas". STRATA: Bulletin of the Anglo-Israel Archaeological Society. 36: 87–99.
  54. ↑ 〈抹大拉石：耶路撒冷聖殿的縮影 – 夏達華研道中心 Hadavar Yeshiva〉 (美國英文)。喺2024-01-01搵到。
  55. ↑ Erlich (Zhabo), Ze’ev H.; Rotter, Meir (2021). "ארבע מנורות שומרוניות בכפר חג'ה שבשומרון" [Four Samaritan Menorahs from the village of Hajjeh, Samaria]. במעבה ההר. Ariel University Publishing. 11 (2): 188–204. doi:10.26351/IHD/11-2/3. 原先內容歸檔喺10 March 2022. 喺25 March 2022搵到.
  56. ↑ Ising, Hartmut. "The Third Temple" (PDF).{{cite web}}: CS1 maint: url-status (link)
  57. ↑ "CITYsights: More than a model menorah". The Jerusalem Post. 原先內容歸檔喺3 July 2022. 喺4 July 2022搵到.
  58. ↑ Watts, Martin (2004). Watts, Martin (編). Disturbance and Decline (英文). London: Palgrave Macmillan UK. pp. 201–238. doi:10.1057/9780230514546_9. ISBN 978-0-230-51454-6.
  59. ↑ Hebrew Grammar - Introduction to the 7 Different Verb Templates (英文), 喺2024-01-01搵到
  60. ↑ Young, James E. (1989). "The texture of memory: Holocaust memorials and meaning". Holocaust & Genocide Stud. 4(1): 63–76.
  61. ↑ Murray, Julie (2003). Kwanzaa. ABDO. ISBN 9781617142758.
  62. ↑ Jeaneane D. Fowler, An Introduction to the Philosophy and Religion of Taoism: Pathways to Immortality, page 213 (Sussex Academic Press, 2005). ISBN 1-84519-085-8
  63. ↑ 〈七星燈-玄鷲山高邑雲天宮〉。www.yuntiangong.org.tw (臺灣中文)。喺2024-01-01搵到。
  64. ↑ 蕭登福 (2013)。〈道教幡燈續命對佛教及東密的影響〉。《香港道教學院》。n.57: 67–75。
  65. ↑ 邱博舜 (2006-01-01)。〈貪狼諸詞來歷初探〉。《文資學報》 (臺灣中文) (2)。doi:10.29777/JCR.200601.0001。
  66. ↑ 蕭登福。〈試論北斗九皇、斗姆與摩利支天之關係〉 (PDF)。《國立台中技術學院人文社會學報》。n.3: 43–69。
  67. ↑ Selwood, Dominic (2013). The Sword of Moses. England: Corax. ISBN 978-0-9926332-0-2.
  68. ↑ Gibbins, David (2006). Crusader Gold. UK: Headline. ISBN 9780755324231.
  69. ↑ Gibbins, David (2007). Crusader Gold. 美國: Headline (UK), Bantam Dell (US). ISBN 9780440243939.
  70. ↑ Sussman, Paul (2006). The Last Secret of the Temple. Bantam Book.
由「https://zh-yue.wikipedia.org/w/index.php?title=猶太燭台&oldid=2148163」收