王亭之

出自維基百科,自由嘅百科全書
跳去導覽 跳去搵嘢

談錫永,筆名王亭之,係香港嘅佛學家同埋專欄作家,亦係紫微斗數、玄空風水同埋中國畫嘅專家。而家已經移居加拿大多倫多

談錫永係廣東南海鑲白旗世家子弟,自細就已經熟習琴棋書畫、醫卜星相、西派道家諸學,亦有研究子平八字、易理。佢有同紫微斗數中州派劉惠蒼師父學過嘢,得到佢嘅真傳,重將紫微斗數喺香港發揚光大。一方面,佢收咗40個門徒,成立咗紫微斗數學會,從事學術性嘅研究;另一方面,佢亦喺《明報》嘅專欄同佢嘅著作入面指出當時喺香港流傳嘅各種關於紫微斗數嘅問題同埋錯誤或者流弊。

佢喺佛學方面亦有好深嘅造詣,並且為佛教聯會撰寫多本有關佛教基本要義嘅書。28歲因為機緣關係加入金剛乘學會,跟隨劉銳之上師同埋佢上師敦珠仁波切修習藏傳佛教。38歲得阿闍梨位,法名無畏金剛。後尾成立咗密乘佛學會,翻譯寧瑪派經書。

不過,一般市民對談錫永嘅另一個身份「王亭之」更加熟悉,原因係王亭之喺1980年代喺學校同知識份子都鍾意睇嘅《明報》副刊撰寫專欄《因話提話》十幾年,有一班固定嘅讀者。響呢個專欄,王亭之成日都批評時弊,寫過「粵語正音問題」,以及當時香港政制發展嘅問題等等。移居加拿大之後,繼續喺《星島日報》加東同加西版寫專欄。

佢反對何文匯(重叫佢做蛋頭嚟諷刺佢)提倡嘅粵語正音,重因為噉而成立咗粵語文化傳播協會

作品一覽[編輯]

  • 《廣府話救亡》
  • 佛學
    • 《佛家經論導讀叢書》:
    • 《甯瑪派叢書》:
    • 《大中觀系列》:《四重緣起深般若》、《心經內義究竟義》、《聖入無分別總持經對勘及研究》、《入楞伽經梵本新譯》、《寶性論梵本新譯》、《如來藏論集》
    • 《談錫永作品集》:
    • 《摩登女》(故事集)
  • 術數
    • 《風水平談》
    • 《中州派玄空學》
    • 《中州派風水年鑑(1996年)》
    • 《談斗數與玄空》
    • 《地理辨正真訣》
    • 《心眼指要真解》
    • 《中州派玄空形學》- 阮文良、談若樨合著
    • 《安星法及推斷實例》
    • 《中州派紫微斗數講義練習題》
    • 《中州派紫微斗數講義》
    • 《中州派紫微斗數高級教義》
    • 《太微賦與形性賦》- 博益
    • 《八喜樓鈔本古訣與斗數格局》- 博益
    • 《骨髓賦與女命骨髓賦》- 博益
    • 《斗數零談》- 博益
    • 《陸斌兆紫微斗數講義》- 博益
    • 《談星》- 博益
    • 《王亭之談斗數》

出面網頁[編輯]