王淑英

王淑英（Wong Suk-Ying），香港親中派學者，而家係香港中文大學協理副校長同社會學系教授，有時會代表中大發言，所以會得到傳媒一啲關注。

喺2021年4月16號，中大公布佢係敬文書院下任院長嘅唯一候選人。

經歷

王淑英分別喺英國利物浦大學同埋美國史丹福大學攞到學士同埋博士學位。佢喺史丹福大學修讀期間，做過北京師範大學同埋南開大學訪問講師。

佢喺1997年加入中大，做過中大社會科學院副院長、敬文書院創院輔導長，同埋入學及學生資助處處長。

政治立場同爭議

王淑英係香港親中派人士，係團結香港基金研究諮詢委員會 8 人嘅其中之一，又曾經話《港區國安法》唔會影響大學嘅學術同埋言論自由。

涉嫌阻礙中大學生會選舉

王淑英曾被指喺 2017 年中大學生會補選期間，阻礙學生會選舉。當時補選委員會喺敬文書院內設投票站，王淑英被指以舍監身份驅趕票務人員，明知落雨都搞到票站要搬去馬路旁，又指責學生會係「出賣書院同學」。