珠江·琶醍啤酒文化創意藝術區

出自維基百科,自由嘅百科全書
跳去導覽 跳去搵嘢
喺2015年1月9號影嘅琶醍酒吧街主要建築——珠江·英博軌跡啤酒博物館

 珠江·琶醍啤酒文化創意藝術區粵拼zyu1 gong1 paa4 tai4 be1 zau2 man4 faa3 cong3 ji3 ngai6 seot6 keoi1 ,簡稱珠江·琶醍zyu1 gong1 paa4 tai4),係中國廣東廣州嘅其一有啲出名嘅創意藝術園區,喺海珠區閱江西路磨碟沙隧道附近。入面都係有啲現代化風格嘅啤酒文化藝術平台同埋高端餐飲嘅悠閒娛樂地區。其實喺開園之前,呢度係間珠江啤酒嘅工廠[1]

敘述[編輯]

如估講到呢個藝術區嘅主要建築,最出名嘅就係珠江·英博軌跡啤酒博物館。佢喺2004年開始喐手起,2008年先至起好[1]。佢重係廣州珠江啤酒股份有限公司同比利時英博集團一齊合作嚟起嘅一間有得睇、有得玩、有得學、有藝術同開放喺埋一齊嘅國際化啤酒文化展示場所。入面有好多間餐飲企業響度,由於佢成日辦啲音樂同藝術類嘅活動,搞到好多人都鍾意咗佢。尤其係每個星期三、五、六,有好多人(尤其啲後生仔)成日嚟呢度玩嘅[1]。創意藝術區入面除咗呢個之後,重有工業雕塑公園、藝術長廊、私人典藏館、藝術展覽館、奢侈品展覽館;配套啤酒體驗區、紅酒藝術畫廊區、雪茄品鑒區、餐飲美食區等有歐陸風情嘅元素同功能響度,附近重有個遊艇碼頭可以畀珠江日夜遊啲船嚟停[2]

有軌電車站延遲開工事件[編輯]

內文:廣州市海珠環島新型有軌電車琶醍站

喺2012年11月份,嗰時海珠區有軌電車咁啱就開始喐手起。而工程就出咗3個方案:第一個係直接開入琶醍藝術區、第二個係霸部份隧道起大型平台同上層建築,最後一個係兜路去珠啤地皮嗰邊[3]。佢重有個問題就係話之前已經成日猛咁講講嘅珠江琶醍酒吧街係拆定唔拆嘅[4]。結果施工隊最後揀咗第一個方案,話另外兩個方案唔係兜路太遠就係拆樓。而酒吧街達成拆遷共識一直喺度拗緊,一直到2014年9月份先至同酒吧街達成拆遷共識,最後喺2014年12月份先至開始入場施工[5],直到2015年10月21號朝早6點正式開畀人坐車[6]

[編輯]