珠江村（粵拼：zyu1 gong1 cyun1）係中國廣東廣州嘅地名，喺黃埔區魚珠，西靠蠏山；南靠港前路；東靠下沙村；北靠中山大道東。
個村相傳喺大明中葉時，李氏始祖——李觀盛從番禺沙路村搬到呢度養鷄為生計而開枝散葉。再深入啲，佢嘅先祖喺大唐從陝甘地區搬到江西泰和縣，後裔先後搬到廣東南雄溪塘之後又搬到番禺，最後從番禺搬入呢度。不過早期開村時嗌過雙江村或沙圜村，後嚟先後改過魚珠村同埋珠崗村，中華人民共和國就快成立嗰時又改咗次名做珠江村。
珠江村北牌坊
