珠璣
珠璣（Chu Kea ，1920年—1988年），原名朱日川，廣東順德人，香港電影人。
珠璣十三歲入行，嚮邵醉翁嘅天一港廠做攝影同沖曬學徒。1935年加入竺清賢嘅南粵影片公司做剪接，之後擔任編劇同副導演。1941年開始做導演。1952年有份創立中聯影業公司，爾個時期係佢創作嘅黃金期。1956年離開中聯加入專門拍夏語片嘅良友公司，同時亦有為其他公司拍粵語片。1960年代曾經開過海洋、金城爾啲電影公司。
嚮1960年代，珠璣同黃岱、莫康時、龍圖、胡鵬、馮志剛、李鐵、吳回、黃鶴聲、盧雨岐幾個香港電影導演結義，合資成立十兄弟電影企業公司，重聯合拍攝創業作《錦繡天堂》，成為一時佳話。珠璣一生拍過二百五十幾部戲，係香港導演之冠。