理大圍城
呢篇文講紀錄片。想搵衝突事件嘅話，請睇香港理工大學衝突。| 理大圍城 Inside the Red Brick Wall | |
|---|---|
 《理大圍城》紀錄片嘅宣傳海報 | |
| 資料明細 | |
| 導演 | 「香港紀錄片工作者」 |
| 片長 | 88分鐘 |
| 產地 |  香港 |
| 上畫同發行 | |
| 上畫日期 | 2020年1月 |
| 分級 | |
| 香港電影分級 | 第Ⅲ級、第Ⅲ級 |
理大圍城（英文：Inside the Red Brick Wall[1]）係一部由「香港紀錄片工作者」拍嘅香港紀錄片[2]。呢部記錄片主要去講香港理工大學喺11月份發生嘅一連串衝突事件。
記載
[編輯]《理大圍城》由最耐到最近嘅時間推移去講述2019年11月香港理工大學衝突入面幾個緊要事件同抗爭者嘅內心變化[3]。例如喺11月17號警方包圍同封鎖校園，喺學校出面警方出動水炮車同銳武裝甲車射向學生，示威者就掟汽油彈同磚頭去還擊；11月18號清晨警方特別戰術小隊攻入大學正門，示威者就燒大學入口路障嘅場景，示威者嘗試離開校園，但催淚彈逼退同被警員流血制服嘅場面。之後示威者希望透過九龍「開花」，用「圍魏救趙」方式分散警方力量，但最後有大量傷者同市民被拉咗。到11月18號夜晚，一批中學校長到理大游說示威者離場，令示威者娿娿哿哿。當校長陪同部分學生由大樓梯離開嗰陣，被幾位示威者鬧係「教畜」，話學生未來前途或可能衰喺呢啲校長同老師手到。都有示威者希望可以透過水渠走佬，但最後都要放棄。只後示威者面對食水同食糧唔夠，校園環境情況變到好差，喺好驚同無力感下只可以離開並被拉走[4]。
製作團隊
[編輯]呢套紀錄片由多位紀錄片導演同工作者拍攝完成，為咗防範政府事後秋後算帳，佢哋都隱藏真實名，以匿名「香港紀錄片工作者」（Hong Kong Docmentary Filmmakers）名義製作。為咗避免屋企人擔心，佢哋甚至唔會話畀屋企人知，準備一旦攞獎，亦只會請發行商「影意志」代為領獎同發表感謝辭[5]。
爭議
[編輯]喺北京未經諮詢同香港人同意推行嘅《香港國家安全法》實施後，呢部電影被電影、報刊及物品管理辦事處要求去加返啲警告字句[6]。呢部記錄片原定喺2021年3月15號喺堅尼地城高先電影院度播，但因為受到社會嘅過度關注，高先電影院宣佈取消播呢套電影[7]。
獎或提名
[編輯]- 香港電影評論學會大獎：最佳電影[8]
- 入圍阿姆斯特丹國際紀錄片：電影節長片競賽單元[9]
其他評價
[編輯]睇埋
[編輯]- 《紅磚危城》 - 另一套講呢件事嘅紀錄片
攷
[編輯]- ↑ 〈暴政與人民 《佔領立法會》《理大圍城》與《迷航》〉。紀工報。2021-01-15。
- ↑ 〈專訪《佔領立法會》《理大圍城》創作團隊：當校園恍如廢墟，人們匿藏與逃生…〉。端傳媒。2021-02-15。
- ↑ 甄真 (2020-11-14)。〈《理大圍城》影評：那麼近 那麼遠〉。原先內容歸檔喺2020-11-14。喺2021-03-18搵到。
- ↑ 譚以諾 (2021-03-16)。〈《理大圍城》見證直播時代、都市恐怖時代、國安法時代〉。眾新聞。原著喺2021-03-18歸檔。喺2021-03-18搵到。
- ↑ 〈不知怎樣解釋我的內疚 每個親歷運動的人都留下未癒傷口 《佔領立法會》《理大圍城》導演訪問〉。《立場新聞》。2020-11-06。原先內容歸檔喺2020-11-09。喺2021-03-17搵到。
- ↑ 〈如此溫柔，如此暴烈：《佔領立法會》和《理大圍城》訪問〉。立場新聞。2021-01-19。原著喺2021-01-28歸檔。喺2022-01-10搵到。
- ↑ 〈高先電影院宣布取消放映電影《理大圍城》〉。香港電台網站。2021-03-15。
- ↑ 〈《理大圍城》奪香港電影評論學會最佳電影：我們都是被困者〉。眾新聞Youtube。2021-03-10。
- ↑ 〈《理大圍城》入圍阿姆斯特丹國際紀錄片電影節長片競賽單元〉。立場新聞。2020-10-29。原著喺2021-12-29歸檔。喺2022-01-12搵到。
- ↑ 〈【珍言真語】姚冠東：堅持表達 香港創作前景仍在 - 大紀元〉。《大紀元 www.epochtimes.com》 (繁體中文)。2021-03-16。喺2021-10-28搵到。