紅磚危城

出自維基百科,自由嘅百科全書
跳去導覽 跳去搵嘢

紅磚危城》係一套記錄香港反送中運動期間香港理工大學衝突嘅紀錄片,由眾新聞製作[1]張凱傑做導演[2][3]

內容[編輯]

紀錄片內容係香港理工大學衝突期間唔同嘅景象,當中包括時任立法會議員許智峯嘗試帶領市民離開校園,警察以執法為名,將抗爭者逼向絕路,例如利用閃光彈襲擊校內人士,被困者被警察包圍,近百人從天橋徒手游繩而下,公路狂奔等景象[4][5]

另外,紀錄片亦有拍低警察冷嘲熱諷,肆意喝斥同對示威者非人化嘅言論,例如揶揄佢哋係「曱甴垃圾」,話佢哋食冰冷嘅「生命麵包」如同窮人、長者、拾荒者,更指自己收工後,北上去食海底撈,突顯當時呢啲警察對低下階層同埋生命價值嘅蔑視[4]

《紅磚危城》導演張凱傑喺接受《燦爛時光會客室》主持人管中祥專訪嘅時候話,呢啲抗爭過程都係重要嘅歷史片段,一定要好好噉記錄落嚟[2]

放映情況[編輯]

香港[編輯]

眾新聞曾經喺香港為《紅磚危城》申請放映許可,但電影檢查審核委員會將佢評為三級片,並要求加上「部分行為可能構成刑事罪行」、「部分內容或評論亦可能未獲證實或有誤導成分」等警告。眾新聞上訴,但全部都被駁回[4]

另外,呢套紀錄片亦曾經被理工大學校方拒絕放映[2]

台灣[編輯]

喺台灣,有幾間大學都有放映呢套片,包括國立交通大學輔仁大學台灣師範大學國立中正大學國立台灣大學淡江大學同埋國立政治大學[2][6]

獎項[編輯]

參考[編輯]

  1. 1.0 1.1 "眾新聞反送中紀錄片《紅磚危城》 獲紐約電視電影節人道紀錄片金獎 | 立場報道 | 立場新聞". 立場新聞 Stand News. 喺2021-10-13搵到.
  2. 2.0 2.1 2.2 2.3 管中祥 (2021-05-01). "理大紀錄《紅磚危城》台灣校園巡迴開跑". Medium (英文). 喺2021-10-13搵到.
  3. Ryan (2020-11-29). "張凱傑《紅磚危城》完成送檢不日上映". 講。鏟。片 (中文). 喺2021-10-13搵到.
  4. 4.0 4.1 4.2 "《紅磚危城》榮獲紐約電視電影節人道紀錄片金獎 今屆唯一香港金獎作品".
  5. "《紅磚危城》入選香港獨立電影節 影評:紀錄警方執法為名 將抗爭者逼向絕路".
  6. 政大電算中心. "【政大傳院Media Talks】圍城中紀錄香港危城:《紅磚危城》(2019理大事件紀錄片)|2021/05/26(三)|政大活動報名". bit.ly (中文). 喺2021-10-13搵到.