瑪利兵房
「美利樓」跳轉到呢度。想搵其他用法，請睇「美利樓 (搞清楚)」。 「美利兵房」跳轉到呢度。想搵其他用法，請睇「美利兵房 (搞清楚)」。瑪利兵房係香港香港島中環以前一個兵房，即係家下近金鐘嘅中銀大廈同亞太金融中心塊地。以前裏面嘅瑪利樓，即係今日講嘅美利樓，就係呢個兵房嘅軍官宿舍。
瑪利係指佐治瑪利（George Murray）。佢係香港開埠嗰陣，負責全英國軍事工程。成個中環唔少軍事設施就係用佢個名。當然實際上唔係佢搞，而係皇家工兵軍團（Royal Engineers）嘅哥連臣等人搞。
地點
[編輯]個兵房響花園道同紅棉道之間，依山而建，南高北低，對住維多利亞港。兵就住響南面，軍官住就北面嘅瑪利樓，響皇后大道（家下金鐘道）側邊。
出咗兵房，過咗花園道就係瑪利操場，而過咗皇后大道就係北面兵房（North Barracks），即係後尾威寧頓兵房（Wellington Barracks）。過埋操場，再向家下炮台里走，就係瑪利炮台。過咗威寧頓兵房，之後有瑪利碼頭。
美利樓
[編輯]軍官宿舍最初叫做Officer's Mess。後尾改名做瑪利樓。英軍搬走之後，做過差餉物業估價處。1980年代中，起中銀大廈之前，成棟樓拆散咗收埋，一收就數15年。到咗2002年，就響赤柱起返。家下係餐廳同香港海事博物館。