《璦琿條約》，係大清帝國同俄羅斯帝國喺1858年（咸豐八年）5月28號喺璦琿（喺而家黑龍江省黑河）簽嘅條約，內容係大清需要將烏蘇里江以東嘅60萬平方公里外滿洲領土割讓畀俄國，而烏蘇里江以東嘅40萬平方公里外滿洲領土就變成清俄共管，取代兩國1689年簽訂嘅《尼布楚條約》。不過，條約嗰時未有畀大清朝廷正式承認。
兩年之後嘅1860年，大清打輸第二次鴉片戰爭，俄國逼大清正式承認《璦琿條約》，同時加簽《清俄北京條約》，將《璦琿條約》入面兩國共管嘅土地同埋庫頁島都割埋畀俄國。
