呢幅畫係用生成式 AI 整嘅。
生成式人工智能（取自英文：Generative AI）泛指用人工智能技術嚟創造新內容。生成式人工智能往往係分析大量嘅數據，學習資料嘅內在模式同結構，然後生成同數據類似嘅內容，即係例如畀人工智能讀取大量嘅畫作，然後叫佢產生新嘅畫作。除此之外，生成嘅內容仲可以包括文本、音樂、甚至源碼等。
生成式人工智能嘅一個顯著應用係大型語言模型（LLM），呢啲模型基於自然語言處理（NLP）技術，能夠生成自然語言。LLM 通過讀取大量文本數據，學識理解語言嘅語法、語義同上下文關係，能夠按用家入嘅提示（prompt）嚟產生散文以至詩歌等嘅作品。
