由治及興
由治及興係中共同香港官方喺2022年實施《香港國安法》之後提出嘅施政概念。佢哋話香港正係由安定（「治」）逐漸發展成繁榮（「興」）。呢個概念係首先由中共中央總書記習近平喺2022年中共二十大提出嘅，話要全面準確、堅定不移咁貫徹「一國兩制」，推動香港進入「由亂到治」去到「由治及興」嘅新階段[1]。而香港行政長官李家超之後就話2023年係香港開啟「由治及興」嘅年份[2]。
流行文化[編輯]
2023年4月，討論區有篇時事討論話「而家社會氣氛沉滯到好似等緊大事發生咁」[3]，然後有個網名叫「水原千鶴」嘅會員回應「咁係因為你悲觀，我睇到由治及興帶嚟嘅好處」，結果呢句回應因為完全同事實相反，喺香港嘅網絡界爆紅，變咗個政治黑色幽默同埋meme，經常畀香港網民引用[4]。