痾蛋

出自維基百科,自由嘅百科全書
Jump to navigation Jump to search

痾蛋,通常係話母雞嘅動作,例如「隻雞擒晚痾蛋。」

用喺講波嗰陣,就係話球員想接波,多數係地波,但俾個波穿過褲浪底(即係兩隻腳之間),咁就好似響球員屎忽有隻蛋跌咗出嚟咁,所以講波佬稱之為「痾蛋」。痾蛋較多嘅球員係龍門。好多時龍門想烏低身雙手接迎面而嚟嘅地波,但係因為場地濕滑、個波太快、走勢太畸怪或者彈咗一下地、場地質素問題、對面球員擾亂等因素而判斷錯誤,接唔住個波,發生意外。多數都係個波漏入龍門,因而失波。

痾蛋嘅龍門通常會俾球迷笑死。譬如打拜仁慕尼黑德國鋼門簡尼響03-04歐聯十六強首回合主場鬥皇家馬德里,接唔實羅拔圖卡路士個罰球,痾蛋而入。

痾蛋係同射穿大細龍門有分別。痾蛋係一種失誤,而射穿大細龍門就係技術嘅表現。