白粥係無加入任何材料嘅廣東粥，（有啲食肆會叫齋粥、米皇或靚女）。上好嘅白粥，用絲苗白米明火煮幾個鐘頭而成，講求軟、綿、滑。通常白粥都無味，食嘅時候可加食鹽調味。部分食肆會用上湯來煲粥（上湯通常用大地魚之類熬成），因此嗰啲食肆嘅「白粥」食起來亦係味道濃濃嘅。
烹煮白粥時，亦有人加入腐竹同銀杏（白果）來調味。
白粥配油炸鬼係傳統嘅廣東早餐。白粥有下火、清熱氣作用，啱捱夜人士食。白粥易入口，所以病嗰陣，無胃口，可以食白粥充飢。不過糖尿病患者食粥就要小心，因為食完血糖會升得好快。
