白雲仙館

白雲仙館（粵拼：baak6 wan4 sin1 gun2），係廣東省廣州市嘅一間道觀建築物，位置喺越秀區麓湖公園東門嘅麓湖路嗰頭。呢間嘢係1812年始建嘅。

敘述

呢間嘢係面向麓湖。而高坡係由大理石嚟圍住，其中有5嚿1平方米面積嘅花崗岩，分別劃住「白雲仙館鄒魯」呢啲字。入咗大殿之後重有嚿「博愛孫文」嘅字出嚟。而喺山門石柱、門柱同埋殿柱嗰度都有寫到對聯出嚟。

呢間嘢初頭係廣州文人墨客嘅打戥地頭。後尾呢度供奉咗呂洞賓，就有咗道士過咗嚟睺住呢度^[1]。

1900年代初試過畀毀，1946年修復返，時中山大學校長鄒魯題埋石刻^[2]。

喺文革陣間屋由於破四舊，畀嗰時啲紅衛兵徹底揼爛曬，1984～1985年間經市政府出返數修復，1984年9月28號當成觀光景點重開。地方外判過開竹林餐廳。

2014年，廣州市道教協會同廣州市白雲山麓湖公園管理處簽訂咗移交管理協議，建築轉畀返道教打理。經過重修，喺2016年1月18號再事開放返，呢日舉行咗神像開光法會。廣州道教養生公益團白雲仙館養生基地同時喺呢度設立^[3]。