白鷺湖互動中心

白鷺湖互動中心

白鷺湖互動中心，全名嘉里白鷺湖互動中心（英文：Kerry Lake Egret Nature Park）係香港一個休閒活動場地，由嘉里建設管理，喺新界大埔滘紅林路2號，佔地23畝，2000年開張，早年叫大埔滘互動自然中心。

1990年代，嘉里建設喺大埔滘發展住宅項目滌濤山，政府喺地契規定要發展商將鄰近嘅潟湖同紅樹林濕地保育，所以就起咗呢座互動中心。皆因湖入面有白鷺棲息，所以叫白鷺湖。而湖邊嘅小白鷺餐廳亦係香港唔少影視作品攞景嘅地方。