盧甘斯克人民共和國
盧甘斯克人民共和國（俄文：Луганская народная республика，縮寫：ЛНР）係2014年，由位於烏克蘭東部嘅盧甘斯克州發動叛亂嘅親俄武裝分子，喺俄羅斯操縱下霸佔盧甘斯克嘅行政大樓之後，宣布成立嘅傀儡政權。盧甘斯克人民共和國嘅地位不但唔受國際社會承認，仲畀烏克蘭當局列為恐怖主義組織。
地理[編輯]
盧甘斯克人民共和國係內陸地方，北部連接烏克蘭，西面靠住頓涅茨克人民共和國，東面就連接俄羅斯。
盧甘斯克人民共和國實際控制住盧甘斯克州只有唔夠一半嘅地方，包括最大城市盧甘斯克市。至於盧甘斯克州嘅其餘大多數地方仍然由烏克蘭控制。
外交[編輯]
響成立之後，盧甘斯克人民共和國先後得到南奧塞梯共和國同埋頓涅茨克人民共和國嘅承認。2022年2月21號，俄羅斯承認咗盧甘斯克人民共和國。
聯合國並未承認盧甘斯克人民共和國，認為盧甘斯克人民共和國所侵佔嘅領土一直都屬於烏克蘭。
 |