睡蓮

How to read a taxobox

睡蓮

延藥睡蓮，海南嘅原生睡蓮

物種分類

睡蓮（粵拼：seoi6 lin4）係睡蓮屬（學名：Nymphaea）植物嘅統稱，又叫瑞蓮（seoi6 lin4）；佢係睡蓮科長年生嘅水生草本植物。喺水生植物界入面，佢都算比較出名嘅一類植物，因為佢既有「水入面嘅女神」嘅名同時，又係一類名貴嘅花，甚至係比較好嘅水體淨化嘅植物。

名

由於呢樖植物喺啱啱天光嗰陣就開花，一直到差唔多太陽落山嗰陣就「瞓覺」，所以「睡蓮」嘅名就係噉嚟。

其實睡蓮唔係眞係日日晚黑就「瞓覺」，就係佢成日有太陽光嘅反應。

喺每日一到天光嗰陣，由於有太陽光射到冚埋咗嘅睡蓮嗰陣，由於出面俾陽光射到嗰部分就生得好慢，而匿埋咗喺入面（冇俾陽光射到嗰部分）嘅花瓣就生得好快，結果花瓣就從入面「開」到出邊。
喺每日一到晚黑嗰陣，喺花瓣一開夠嗮，而且伸到變成水平線嗰時，由於花瓣俾陽光射到嗰部分啱好同朝早掉返轉嚟，由於花瓣入面成日俾光射到，結果就生得好慢，搞到背向黑嚜嚜嘅出面嗰埐就生得好快，甚至慢慢噉超過咗花瓣入面，所以花瓣就「閂埋」咗喇。

睡蓮有好多個物種、品種，而且花有好多種顏色，成日見到有紅、黃、白、紫、粉紅同藍色嘅品種。

喺泰國嗰邊，由於佛教係佢當地嘅國教，所以有超過90%啲人成日都嚟信佛教。而蓮花喺泰國當地俾人睇成係神聖，所以佛教徒就成日好拜蓮花，而且重話蓮花入面，睡蓮係最靚嘅。所以泰國當地就將睡蓮定咗係國花^[1]。

喺美國華盛頓州華盛頓嗰邊，嗰度成日搞荷花同睡蓮嘅文化節^[2]。

喺做個創世神嘅手機遊戲入面，有個同「睡蓮」有關嘅道具，喺佢嗰邊嘅遊戲係成日嗌「Lily Pad」^[3]。

由於睡蓮同荷花呢兩樣都好容易俾人搞亂，因為佢嘅樣都好似吓。雖然話噉，但係佢兩個之間嘅關係都差咗好遠，呢兩樣睇佢嘅葉生咗喺邊嘅個葉嘅樣就分到邊個係李逵喇。

PK項	睡蓮	荷花
相
葉	黐喺水面，有深裂痕。	伸出咗水面，圓兼冇裂痕。
英文單詞	water lily	lotus
植物學分類	植物界(Plantae) > 被子植物分支(angiosperms) > 睡蓮目(Nymphaeales) > 睡蓮科(Nymphaeaceae) > *睡蓮屬(Nymphaea)*	植物界(Plantae) > 被子植物分支(angiosperms) > 真雙子葉植物分支(eudicots) > 山龍眼目(Proteales) > 蓮科(Nelumbonaceae) > 蓮屬(Nelumbo) > *荷花(N. nucifera)*

睡蓮嘅用途都好多吓，佢可以用嚟食、整嚟浸茶同酒、插花同埋用嚟入藥都得。而佢啲草重可以用嚟做綠色肥料都得。

睡蓮嘅根莖都可以用嚟入藥，可以用嚟醫腎炎同腎病^[4]。

中国少年儿童百科全书自然·环境第424——425页　浙江教育出版社 ISBN 7-5338-1946-2/G·1942
北村四郎・村田源編『原色日本植物図鑑　草本編II 離弁花類』、1980年、保育社、ISBN 4-586-30016-7
Комаров В. Л. Nymphaea tetragona Georgi — Кувшинка малая // Флора СССР. В 30 т. / Гл. ред. акад. В. Л. Комаров; Ред. тома Б. К. Шишкин. — М.—Л.: Изд-во АН СССР, 1937. — Т. VII. — С. 11. — 792 + XXVI с. — 5200 экз.
Крупкина Л. И. Nymphaea tetragona Georgi — Кувшинка четырехгранная, кувшинка малая // Флора Восточной Европы / Отв. ред. и ред. тома Н. Н. Цвелёв. — СПб.: Мир и семья; Изд-во СПХФА, 2001. — Т. X. — С. 28—29. — 670 с. — 700 экз. — ISBN 5-8085-0122-9.