知情識趣31Know It All RTHK 31 類型 問答比賽 導演 黃建民 主持 馬浚偉 製作國家／地區 香港 語言 粵語 集數 15 每集長度 52分鐘（冇廣告） 製作 拍攝／製作年份 2021-2022年 監製 何重恩 製作公司 香港電台 播映
首播頻道 港台電視31 圖像制式 高清電視 1080i 播出國家／地區 香港 播出日期 2022年1月9號 播出時間 逢禮拜日 20:30－21:30
《知情識趣31 》（英文 ：Know It All RTHK 31 香港電台 製作嘅初中生常識問答挑戰賽，由馬浚偉 主持[1] 港台電視31 播出。比賽口號係：「只要你想學，冇嘢係唔得」，節目透過四個環節進行趣味性問答比賽，增強同學喺唔同範疇嘅認知，提升同學對學習嘅興趣。每集有三間學校進行比賽，原定十二個星期之後，最高分嗰四間學校可以進入季度挑戰賽，但因為當時疫情嚴重，第十場之後節目就腰斬。
比賽方式 [ 編輯 ] 第一回合「知識知悉」 [ 編輯 ] 以學科題為主，每組有一百分底分，分別回答十條問題，每題需要喺五秒內作答，限時三分鐘，答啱加十分，答錯或棄權唔扣分。喺呢個回合，每組會得到一個去蕪存菁錦囊，可以喺選擇題嘅時候使用一次，主持會刪去其中兩個選擇，參賽者可以喺聰完問題先至決定用唔用錦囊。
第二回合「通情達理」 [ 編輯 ] 參賽者首先要睇一段短片，再搶答二十題同片段相關嘅問題，限時六分鐘，答啱加十分，答錯或者撳鐘後棄權扣十分，設有一次補答機會，答啱加十分，答錯或者撳鐘後棄權同樣被扣十分，參賽者需要喺撳鐘後五秒內作答，超時會被扣十分，撳鐘之後主持會停止發問。
第三回合「有膽有識」 [ 編輯 ] 問題環繞流行文化、時事、國情等課外知識，限時八分鐘，答啱加十分，答錯或者撳鐘後棄權扣十分，設有一次補答機會，答啱加十分，答錯或者撳鐘後棄權同樣被扣十分，參賽者需要喺撳鐘後五秒內作答，超時會被扣十分，喺呢個回合設有兩題專家題，答啱加二十分，答錯或者撳鐘後棄權會被扣二十分，設有一次補答機會，答啱加二十分，答錯或者撳鐘後棄權同樣被扣二十分，撳鐘之後主持以及專家都會停止發問。
第四回合「妙趣橫生」 [ 編輯 ] 熒光幕會出現十六格謎面，比賽分為四個環節，分別係搶答題、書畫題、動作遊戲題以及最後嘅競猜謎底，第一個環節係十題嘅搶答題，答啱加十分，並且可以揭開一格謎面，答錯或者撳鐘後棄權扣十分，設有一次補答機會。第二個環節係三題嘅書畫題，完成之後撳鐘搶答，答啱加二十分，並且可以揭開一格謎面，答錯或者撳鐘後棄權會被扣二十分，同樣設有一次補答機會。第三個環節係一題嘅動作題，勝出嘅一方會加三十分，並且可以揭開三格謎面，而落敗嘅組別就唔扣分。喺三個環節完成之後，會以總分嘅高低，依次序競猜謎底，估中加五十分，估錯扣十分，棄權唔扣分，如果出現同分情況，會由專家題決定先後次序，答中嗰一隊可以優先競猜謎底，而分數係唔會受到影響。
每集內容 [ 編輯 ] DJ挑戰賽 [ 編輯 ] 名人挑戰賽 [ 編輯 ] 第一場 [ 編輯 ] 裁判：伍德基 （香港中華文化發展聯合會主席[2]
第二場 [ 編輯 ] 裁判：羅乃萱 （家庭發展基金 總幹事）
第三場 [ 編輯 ] 裁判：何建宗 （一國兩制青年論壇創辦人兼主席）
第四場 [ 編輯 ] 裁判：何建宗（一國兩制青年論壇創辦人兼主席）
第五場 [ 編輯 ] 裁判：羅乃萱（家庭發展基金總幹事）
第六場 [ 編輯 ] 裁判：羅乃萱（家庭發展基金總幹事）
第七場 [ 編輯 ] 裁判：伍德基（香港中華文化發展聯合會主席）
第八場 [ 編輯 ] 裁判：伍德基（香港中華文化發展聯合會主席）
第九場 [ 編輯 ] 裁判：岑智明 （香港天文台 前任台長）
第十場 [ 編輯 ] 裁判：何建宗（一國兩制青年論壇創辦人兼主席）
↑ 陳栢宇 (2022-01-08). 〈 港台電視31星期一至七夜晚佈強陣 馬浚偉主持問答騷同林峯鬥震撼 〉 《 香港01 》 歸檔 喺2022-01-09. 喺2022-02-23 搵到 . ↑ 〈 知情識趣31 初中生問答挑戰賽 (第一場) 〉 《 香 港 電 台 》 . 喺2022-02-23 搵到 .
出面網頁 [ 編輯 ] 
香港