石澳天后廟

石澳天后廟

石澳天后廟「海不揚波」匾額（清朝光緒十七年）

石澳天后廟係香港一間天后廟，地點係香港島南區石澳村333號，係香港三級歷史嘅建築物。

歷史

石澳天后廟保存住一塊清朝光緒十七年（1891年）嘅匾額，所以呢間廟唔會遲過1890年代落成。

石澳天后廟有一個關於建廟源由嘅傳說。據說石澳曾經出現嚴重水災，當晚村民夢見天后娘娘（媽祖），話自己會透過一尊木像顯靈，同時指示一個地方起廟宇。第二日朝早，啲村民果然喺沙灘上揾到一尊木像，就依照天后嘅指示興建天后廟。

石澳天后廟係喺2010年4月16號被確認列為香港三級歷史建築。

建築

石澳天后廟嘅外形長而窄，係兩進式設計，中央部份設有一個天井。