石頭 B
石頭 B，又叫石嬰，英文係 stone baby，醫學名係 lithopedion，係一種罕見現象。當宮外孕個胎死咗，太大而個阿媽身體（母體）吸收唔倒，母體為保護自己，唔受感染，就會將一層鈣化物質包住個胎屍。
由懷孕 14 個星期到足月，石嬰現象都可能發生。因為以前醫學落後、有啲落後國家冇乜產前檢查、或者唔做產前檢查，石頭 B 可以留喺母體幾十年，有一個病例嘅92 歲阿婆（Huang Yijun）身懷石嬰56 年 [1]。
喺 400 年嘅醫學文獻裏面，連 300 個病例都唔夠。最早發現嘅石頭 B 係由考古學家掘出嚟，估計係公元前1100年嗰時嘅。呢個現象最先係由 Albucasis 醫生喺10世紀嘅醫學書度提過。