破冰船

出自維基百科,自由嘅百科全書
德國破冰船「Polarstern」號
蘇聯核動力破冰船Yamal
跟僽破冰船後嘅貨輪

破冰船係一種專門用喺結咗冰嘅水面上開闢航道嘅特種。破冰船嘅主要特點係船身闊(縱向短,橫向闊)、船殼厚、馬力大,並且船體各區域設有唔同嘅壓水艙,動力多數採用對稱嘅多軸,多螺旋槳配置。

好多高緯度嘅國家都擁有破冰船,特別係俄羅斯因為大部分海岸線都喺北極海,並且擁有蘇聯時期研製嘅核子技術,建造咗多艘核動力大馬力破冰船,用於開闢北極航道,俄羅斯亦擁有專職嘅23550型破冰巡邏艦係破冰船嘅武裝軍艦化。喺二戰時發明,英國遭德國潛艇封鎖北海,蘇俄咗為突破封鎖,自北極航線運用破冰船得以運送外界物資。

破冰方法[編輯]

破冰船通常使用兩種破冰方法,當冰層厚度唔超過1.5米嘅時候,會用「連續式」破冰法,主要靠螺旋槳嘅力量同船頭將冰層劈開撞碎,每小時能夠喺冰海航行9.2公里。如果冰層較厚嘅時候,就會用「衝撞式」破冰法,衝撞破冰船船頭部位嘅食水位,撞到去冰面上面,船身就會將下面厚厚嘅冰層壓成碎塊,然後破冰船後退一段距離,再開足馬力撞上前面嘅冰層,將船下嘅冰層壓碎,重覆噉進行,就可以開出一條新嘅航道。破冰船用嘅燃料通常採用柴油機帶動發動機發電,電動機驅動螺旋槳,驅動功率可以達到百萬瓦,可以滿足較長時間破冰航行嘅需要。破冰船主要係靠重力嚟破冰嘅。喺船頭同船尾各有一個或幾個壓水艙,破冰嘅時候,先將前櫃排空,後櫃灌滿海水,前面會屹起,開大馬力撞去冰面,然後排空後櫃灌滿前櫃,靠重量壓碎冰面,如果左右太窄嘅話就會使用左右壓水艙,令到船身左右搖擺,將冰面壓碎[1]

參考[編輯]