碧螺塔海上酒吧公園（粵拼：bik1 lo4 taap3 hoi2 soeng6 zau2 baa1 gung1 jyun2） （簡化字：碧螺塔海上酒吧公园；英文：Biluota Sea Bar Park），簡稱碧螺塔，係中國河北秦皇島一公園兼旅遊景區，2013年5月1號開業，喺北戴河海濱嘅最東邊，西靠東海灘路；東靠渤海；南靠金山嘴同老虎石公園；北靠鴿子窩公園。
成間嘢喺上空睇落去，樣似半島。其中陸地霸咗106畝，海水霸咗1.5km²。佢亦係秦皇島十大靚景之一兼國家級AAAA景區。
