社會信用系統

社會信用系統（粵拼：se5 wui5 seon3 jung6 hai6 tung2；英文：Social Credit System）係一樣中華人民共和國政府為咗提高全社會嘅誠信意識同信用水平而提出嘅規劃。呢個計劃嚟自2014年由中國大陸國務院印發嘅《國務院關於印發社會信用體系建設規劃綱要（2014—2020年）的通知》，計劃到2020年基本建成、獎罰機制全面啟用。

而喺呢個系統入面嘅評分，最終會直接同入學、就業、社會救助等掛鉤。

批評

違反道德

有啲人會為咗喺個系統入面攞到高分一啲，紛紛捐血同做義工。但有部份觀點認為，喺倫理學上面，當一種道德行為降格做一種手段嘅時候，就算可以帶嚟好嘅結果，都係屬於違反道德。而且，道德已淪為供求關係，淪為支持消費行為嘅可代換債券，最終都係道德敗壞。

唔透明嘅機制

好多被納入機制嘅人都唔知道自己嘅分數，可能到咗年尾黨官公佈，甚至係喺機場出境被拒嘅時候先知，而且唔知道自己做錯啲乜。

侵犯人權言論自由

由於唔透明嘅機制，好多人會驚唔知幾時俾政府扣分，結果人民唔敢再批評政府或者表達意見，甚至私下同朋友講對政府嘅意見都唔敢。人權觀察（Human Rights Watch）中國部研究員王松蓮形容，就算制度入面建立嘅黑名單只係用來嚟執行法庭判決，個系統仍然會侵犯人權，因中國法院經常做出任意，唔公正嘅處決。

另外，喺有啲地區，市民喺網上發表異議言論，或者反對政府官員，甚至連上訪請願都會扣分。

雙重處罰爭議

一啲已經有專項法規管理嘅輕微違規或者罪行，例如衝紅燈、公交車霸佔座位、欠交管理費，都可能會喺呢個系統入面再被扣分，無異於雙重處罰。