秀田古樹

秀田古樹

秀田古樹（粵拼：sau3 tin4 gu2 syu6）係中國廣東韶關一公園同旅遊景區，喺新豐縣馬頭鎮東南邊4.3km嘅秀田村入面。

呢個景區雖然好隱蔽，但唔講都冇人知嘅係，公園入面種咗兩樖重陽木，嗰兩樖樹咁啱因爲種咗超過四個半世紀而出名。喺秀田村當地成日當佢做神樹，係因為喺大明嘉靖年間，秀田黃氏嘅華公喺經過秀田村黃田心時發現個地方山水好正兼氣候啱嗮人而定居喺度養鴨，點知有日出街時有兩位邋遢乞丐上門乞食。華公見到咁陰功而即刻劏鴨畀佢哋食重將自己嘅床借畀佢哋留宿。華公喺第二日朝頭早醒時發現兩位乞丐走咗佬，淨見到天上飛咗擔住重陽木籽過嚟嘅白鶴，將重陽木種咗喺田入面，過咗機年生成兩樖大樹，而且每年春天發現好多白鶴飛埋樖大樹入面唞涼。所以當地啲人又嗌佢做「鶴樹」。

個地方曾經喺2013～2015年由廣東省委辦喺韶關新豐地區搞鄉村扶貧工作時，出錢將佢搞成間公園兼景區。