科索沃戰爭即係1999年3月24號由美國話事嘅北約繞過聯合國唔經安理會授權，以「消除人道災難」為理由，打住「人權高於主權」旗號，向科索沃轟炸咗足足78日，直到同年6月10號。起因係1996年到1999年嘅科索沃解放軍獨立戰爭，同埋1998年到1999年嘅種族流血衝突，南斯拉夫政府軍侵犯阿爾巴尼亞人人權。
戰後科索沃俾聯合國托管，喺政治同經濟上都同南斯拉夫分開，後來更宣佈脫離南斯拉夫獨立。
