第一民族

第一民族（英文：First Nations，法文：Première Nations）指傳統上原居加拿大領土，唔係因紐特人，又唔係 Métis 嘅其他所有原住民民族。

名

｢第一民族｣ 呢個名係喺1970年代由加拿大原住民自行提出，用嚟取代當時通用嘅 ｢土著｣（Natives）同 ｢印第安人｣（Indians）兩個叫法，原意係指歐洲人未嚟之前佢哋 ｢本來已經｣（first）住咗喺度，而且係多個嘅唔同 ｢民族或者國家｣（nations）。呢個叫法喺1980年代被佢哋嘅全國性組織第一民族大會（Assembly of First Nations）正式採用，1990年代開始全國通用。

原先用開嘅 ｢土著｣ 同 ｢印第安人｣ 之所以有問題，係因為呢啲並唔係佢哋自己嘅用字，所以被認為係將佢哋 ｢被標籤｣。

原文嘅 Nations 有 ｢民族｣ 同 ｢國家｣ 嘅雙重意義，所以原文可以指民族，亦都可以指地方，但係中文嘅「第一民族」只能夠譯出前者。