第三世多杰羌佛文化藝術館

出自維基百科,自由嘅百科全書
Jump to navigation Jump to search
第三世多杰羌佛文化藝術館
H.H. Dorje Chang Buddha III Cultural and Art Museum
H.H. Dorje Chang Buddha III Cultural and Art Museum.jpg
成立日期 2014年6月7號
地址 Flag of the United States.svg 美國 洛杉磯柯汶納市學校街170號[1]
類型 美術館
館長 Bryan Tyan
網站 www.hhdcb3cam.org

第三世多杰羌佛文化藝術館英語:H.H. Dorje Chang Buddha III Cultural and Art Museum),喺美國洛杉磯柯汶納市,係一座有百幾年歷史嘅古典建築,主要收藏H.H.第三世多杰羌佛獨創嘅藝術作品。入面有:中國水墨畫、西洋油畫、韻雕[1]書法、金石篆刻詩詞歌賦同埋彩繪瓷磚嘅文化藝術精品[2]

歷史[編輯]

洛杉磯柯汶納高中舊照

藝術館喺1902年起嘅,最初係畀柯汶納高中學校(Covina High School)用嘅,因為嗰陣高中生集中喺小學嘅二樓課室學習,無專登比高中用嘅校舍,所以柯汶納市嘅學校董事會決定起一棟獨立嘅高中學校校舍。喺6月,董事會通過發行債券募集資金,喺嗰年12月順利係聖伯納迪諾路(San Bernardino Road)同埋第二街嘅交叉口起好高中大樓。

1909年,柯汶納高中決定搬到柑橘大道(Citrus Avenue),就將棟校舍賣咗畀瑞德小學。1919年,因為小學要整大啲個操場,就搬走咗,將個校舍賣咗畀共濟會(Freemasonry)。共濟會將成棟建築物搬到學校街同第二街嘅西南角(即係藝術館而家地址)。1920年,建築物再裝修做柯汶納共濟會會所(Covina Masonic lodge),共濟會用咗80幾年[3],直到2014年轉手賣畀而家藝術館。藝術館重新裝修後,喺嗰年6月7號,第三世多杰羌佛文化藝術館正式開館[4]

第三世多杰羌佛文化藝術館係一間非盈利機構,由美國洛杉磯一班景仰H.H.第三世多杰羌佛道德人品同藝術成就嘅人士自發籌資成立,同H.H.第三世多杰羌佛無任何關係[5]

宗旨[編輯]

第三世多杰羌佛文化藝術館嘅宗旨,係通過陳列H.H.第三世多杰羌佛文化、文學哲學藝術科技等方面嘅成果,等嚟參觀嘅人可以知道H.H.第三世多杰羌佛收到嘅榮譽同獎項[2],知多啲第三世多杰羌佛全方位嘅成就,同埋可以學吓杰佛無私奉獻畀社會嘅精神[5]

館藏[編輯]

藝術館一樓大展廳

第三世多杰羌佛文化藝術館係一棟兩層樓式嘅古典建築物,藝術館嘅主要展廳有:一樓大廳,絕世珍寶室同埋名畫家魚廳。二樓大廳、中廳、長廊同聖蹟室、平時展出作品200幾件。全館免費對外開放參觀,係柯汶那市唯一嘅藝術博物館

藝術館二樓大展廳

繪畫[編輯]

藝術館所收藏嘅H.H.第三世多杰羌佛繪畫種類,喺題材方面有:山水花鳥、走獸、魚蟲、人物等;技巧方面有工筆寫意潑墨等傳統水墨功底同西洋畫派有嘅具象、抽象印象同筆劃線條等畫派技法,同埋展出H.H.第三世多杰羌佛獨創嘅十六種全新畫派[註 1][6],佢主要展出作品有:

  • 超實派:有色澤、紋理、美感,好似天然石頭嘅「彩繪瓷磚」[7]
  • 放發派:神韻天成,墨氣活而自然,生發出動態嘅放發墨韻效果,展出作品有《雄視》同《靈貓》[8]
  • 朦朧派:以虛實幻化筆意取物造型,得其似是而非,喺筆觸同色韻上產生強烈嘅虛無縹緲筆意、虛實不定嘅朦朧筆趣,代表作品有《龍鯉鬧蓮池》同《蓮塘鯉魚》[8]
  • 微印派:係印象派風格,達到大幅畫中任何一小部份都係精緻嘅印象畫,表現精神夢幻中啲感覺意境,展出有《蓮師洞中》、《天籟》等作品。
  • 游絲派:係似如游絲細線勾勒嘅精細技法,展出作品有《釋經大師》。
  • 獷細派:即係粗獷結合細微兩種唔同技法,以最粗獷剛硬蒼勁嘅大寫結合微細工筆喺埋一體,得之出神入化,曠中顯秀,代表作品有《威震》[9]
  • 厚堆派:用堆疊潑辣變化嘅色塊筆觸,體顯濃厚高度立體韻味,取其抽象同超現實嘅具象而用色,達到變化莫測、亂而不亂嘅藝境,代表作品有《蒼葉拋紅》同《向日葵》[10]

韻雕[編輯]

二樓大展廳展出嘅兩件韻雕作品:《玉乳山》同《綠玉雕紗棚》

韻雕(Yun Sculpture)係由H.H.第三世多杰羌佛所創造嘅一種新形式嘅雕塑藝術,呢個藝術特點有[1]:第一、韻雕有多維空間感,結構細膩但複雜,層次變化無窮,超越自然造化景緻,勝過天然礦石嘅存在同成色啲美;第二、韻雕喺石洞嘅美,色彩豐富斑斕,混然天成,刀下所雕刻出嘅溶洞風光玄妙莫測,天然嘅祥雲霧氣喺作品石洞中繚繞不散,係藝術史上能將氣體雕刻存形嘅雕塑藝術;第三、韻雕藝術亦係一個唔能夠複製嘅藝術品[11]

喺第三世多杰羌佛文化藝術館展出嘅韻雕作品一共有七件,分別喺一樓「絕世珍寶室」有「韻雕皇帝」稱呼嘅《一石橫嬌》[12][13],同一樓大廳嘅《高士圖》;喺藝術館二樓嘅《玉乳山》、《綠玉雕紗棚》同《小不點》;仲有二樓「聖蹟室」嘅兩件玄妙韻雕,一件係體積曾發生過神異變化[14],並公開懸賞成功複製可以拎到美金5000萬獎金嘅《一柱擎天》[4],同作品體積唔大,但睇落去個洞深不見底嘅《彩韻》。

需然第三世多杰羌佛文化藝術館入面陳列嘅所有藝術品全部由H.H.第三世多杰羌佛捐畀藝術館做永久性嘅陳列展出,但H.H.第三世多杰羌佛只係藝術品提供者,佢本人從未喺呢間藝術館做過任何性質嘅工作或者顧問職務,同埋無任何嘅股份產權 [2]

名畫家魚廳[編輯]

「名畫家魚廳」係美國第一間專門展出用鯉魚做主題嘅水墨畫展覽廳,係由名畫家魚廳公司籌劃,同第三世多杰羌佛文化藝術館租借場地做長期性嘅展覽。魚廳展出嘅鯉魚水墨畫家,都係近現代好出名畫鯉魚嘅水墨畫大師,有中國國家一級美術師水平。例如有:嶺南畫派創始人高劍父嘅《魚躍龍門》;有東方繪畫藝術院院長郭汝愚嘅《荷塘魚戲》;意大利歐洲學院院士吳青霞畫嘅《錦鱗游泳萬里程》;中國美術家協會副主席汪更新創作嘅《魚樂圖》;享受中國國務院國家特殊津貼嘅優秀專家陳永鏘嘅《春水撩人》等精品魚畫。同埋有由H.H.第三世多杰羌佛所畫,被評估為絕世神品嘅《龍鯉鬧蓮池》[15]

藝展活動[編輯]

  • 2016年6月19號,舉辦首屆「南加州高中藝術比賽」[16]
  • 2017年6月3號,舉辦「特殊需求青少年藝術作品展」[17]
  • 2017年10月28號,舉辦「洛杉磯長青藝術家畫展」[18]
  • 2018年6月19號,同柯汶納市政府合辦「2018年柯汶納兒童書籤設計大賽」[19]
  • 2019年1月26號,舉辦第二屆「洛杉磯長青藝術家畫展」[20]

開放時間[編輯]

  • 開放時間:星期二~星期六 10:00AM~5:00PM;星期日 9:30AM~12:00PM。
  • 休息日:逢星期一同埋國定假日休館。
  • 入場費:免費參觀。

[編輯]

  1. 十六種獨創畫派叫做:一、超實派;二、抽象韻味派;三、文風派;四、放發派;五、朦朧派;六、鄉童派;七、繁卷派;八、潑墨線條寫真派;九、微印派;十、返璞派;十一、妙寫派;十二、潑墨微韻派;十三、獷細派;十四、游絲派;十五、版氣派;十六、厚堆色塊派。

參考[編輯]

  1. 1.0 1.1 韻雕 第三世多杰羌佛文化藝術館
  2. 2.0 2.1 2.2 簡介 第三世多杰羌佛文化藝術館
  3. Barbara Ann Hall (2007). Covina. USA: Arcadia Publishing. 第 57頁. ISBN 9780738555553. 
  4. 4.0 4.1 "第三世多杰羌佛文化藝術館開幕 文化藝術瑰寶讓人驚艷". 新聞雲. 2014-06-13. 喺2019-04-29搵到. 
  5. 5.0 5.1 宗旨 第三世多杰羌佛文化藝術館
  6. 藝術上的成就 第三世多杰羌佛文化藝術館官網.
  7. 彩繪瓷磚 第三世多杰羌佛文化藝術館官網
  8. 8.0 8.1 紐約訊 (2012-12-24). "中國書畫漲勢如虹 限量版複製品也創拍價最高紀錄" (用中文寫). 新聞雲. 喺2019-04-29搵到. 第三世多杰羌佛「蓮塘鯉魚」與「靈貓」的限量品,並非原件,也被兩人分別以近38萬美元與25萬餘美元搶拍成交,創下複製品限量版拍賣價之最高紀錄。 
  9. "一張中國畫二百二十二萬五千三百二十七美金,威震世界" (用中文寫). 星暹日報. 2000-05-31. 第 4頁. 
  10. 林緝光 (2018-11-12). "梵高、齊白石 PK 第三世多杰羌佛,看誰的作品厲害". 中國網科創. (原先內容喺2019-02-25歸檔). 喺2019-04-29搵到. 
  11. Wan Ko Yee (2003). 《Yun Sculpture》. Vancouver: International Arts Pub. ISBN 0974329304. 
  12. "絕世珍寶 -「一石橫嬌」亮相 佛陀H.H.第三世多杰羌佛創作". 星島日報. 2017-06-03. 喺2019-04-29搵到. 
  13. "Museum Debuts Unique, Unduplicable Sculpture Art, a Rock of Horizontal Charm, with Complimentary Admission". CISION PRWeb. 2017-06-02. 喺2019-04-29搵到. 
  14. "【H.H.第三世多杰羌佛系列報導】"揭開真相"書中盡是不可思議 一柱擎天韻雕竟然說變就變". 中時電子報. 2018-02-12. 喺2019-04-29搵到. 
  15. 小凡 (2016-06-09). "「名畫家魚廳」將在美開展 匯聚當代水墨大師精品". 文匯報 (B8). 喺2019-04-29搵到. 
  16. 盧威 (2016-06-19). "首届南加州高中青年藝術比賽揭曉 田博元館長向殘障學校頒發資助金". 環球東方網. 城市新聞網. 
  17. 盧威 (2017-06-23). "「特殊需求青少年藝術作品展」 柯汶納市展出". 城市雜誌周刊 (927期). 
  18. "銀發族 跨族裔 跨地區 洛杉磯長青畫家藝術作品展在考維納市開幕". 美洲華聯社. 2017-10-28. 
  19. 2018 Covina Bookmark Contest Award Ceremony
  20. 美洲華聯社 (2019-01-26). "洛杉磯長青畫家畫作展隆重幕". 美洲華聯社. 喺2019-04-29搵到. 

出面網頁[編輯]