第30屆東京都議會選舉

出自維基百科,自由嘅百科全書
Jump to navigation Jump to search


‹ 2013 • Flag of Tokyo Prefecture.svg • 2023
2017年7月2號
選舉類型 都議會
選舉制度 中選區制
議席數目 127
選舉席次 127

選舉統計
總投票數 5,593,631
  
51.3%  3.19%
小池百合子都民第一之會
執政聯盟
投票數 1,884,029 
獲得議席 49  43
  
33.68%
安倍晋三自由民主黨
投票數 1,260,101 
獲得議席 23  34
  
22.53%
山口那津男公明黨
投票數 734,697 
獲得議席 23  1
  
13.13%
志位和夫日本共產黨
投票數 773,722 
獲得議席 19  2
  
13.83%
蓮舫民進黨
投票數 385,752 
獲得議席 5  2
  
6.90%
東京・生活者網絡
投票數 69,929 
獲得議席 1  2
  
1.25%
松井一郎日本維新會
投票數 54,016 
獲得議席 1  0
  
0.97%
吉田忠智社會民主黨
投票數 13,243 
獲得議席 0  0
  
0.24%

席位分佈圖
  23   公明黨
  5   民進黨
  1   日本維新會
  23   自由民主黨
  19   日本共產黨
  6   獨立人士


東京都議會議長

第30屆東京都議會選舉響2017年7月2號舉行[1]

今次選舉被視為一千四百萬個東京市民畀都知事小池百合子嘅第一張成績表,同時亦係對執政自民黨嘅一次信心投票[2]

背景[編輯]

今次東京都議會選舉有二百五十九個候選人,響四十二個選區到爭一百二十七席,其中都民第一之會同自民黨競爭激烈,不過受醜聞困擾嘅執政自民黨選情嚴峻[1]

候選人[編輯]

都民第一之會[編輯]

都領導都民第一之會嘅六十四歲小池百合子,只係上任咗11個月,期間處理築地市場搬遷、2020年東京奧運、削減開支之類議題,成功樹立開明改革嘅良好形象,支持率高達六成。小池6月退出自民黨,創立都民第一之會,派出五十個人參選都議會[2]

響選舉步入最後階段,小池百合子連日到東京各選區拉票,佢批評對手執政自民黨監管不力,搞到豐洲市場工程弊案同搬遷問題,又話希望為議會帶來新氣象[1]。從電視主播、參眾議員、環境大臣、第一位女性防衛大臣到第一位女性東京都知事,如果今次選舉能夠大勝,小池可能有力挑戰首相寶座[2]

自由民主黨[編輯]

自民黨近日因為首相安倍晉三捲入幫朋加開學校之類嘅醜聞,同埋防衛大臣稻田朋美連續講錯嘢,支持度下挫,而為咗挽回選票,黨內高層四出拉票,重派出視為「吸票機」嘅眾議員小泉進次郎出來,佢係首相小泉純一郎個仔,坦言今次選情嚴峻,認為自民黨將來應該是非分明,同小池合作做有利東京嘅事[1]

至於受多單醜聞困擾嘅首相安倍晉三,競選期間一直保持低調,響最後一日先出來秋葉原街頭幫自民黨候選人站台拉票,但係遇到示威,被人嗌落台[2]

民意調查[編輯]

共同社民意調查話,自民黨同東京都知事小池百合子領導嘅都民第一之會支持度不相上下,都係兩成六左右,大約五成七嘅民眾重未決定投票意向。外界都關注支持小池勢力攞唔攞到過半議席[1]

分析[編輯]

選前[編輯]

呢場選舉被視為對小池施政嘅檢驗亦牽動成個日本政壇未來格局,佢上任之後講明要改革都議會,同時要應付築地市場搬遷同主辦2020年東京奧運之類嘅重大議題。分析相信,都民第一之會連同公明黨之類支持小池嘅勢力有望攞到過半數席位,目前響都議會掌控五十七席嘅自民黨一旦失去第一大黨嘅地位,或者會影響安倍施政,甚至動搖首相嘅地位,打亂佢連任首相嘅算盤[1]。雖然距離下次眾議院選舉重有成年時間,但係睇返歷史,執政黨響東京都議會選舉大敗,都會響之後嘅眾議院選舉失利[2]

結果[編輯]

投票響當地時間朝早七點開始,到晚黑八點,合資格一千一百選民可以投票,而選民幾日前已經可以提前投票。選舉管理委員會公布截至1號,有差唔多九十九萬人投咗票,比四年前大增五十七個百分點[2]

票站響當地晚黑八點閂門之後,點票工作隨即展開。日本放送協會嘅票站調查結果話,都民第一之會將會響都議會一百二十七席攞到四十八席,成為第一大黨,聯同公明黨之類,預計可以攞到七十三到八十五席,控制都議會過半數議席。而原本嘅最大黨,執政自民黨議席大幅縮水,預計攞到十三至三十九席,係自民黨響都議會選舉入面最差嘅成績[3]

後續[編輯]

[編輯]

  1. 1.0 1.1 1.2 1.3 1.4 1.5 (繁體中文)東京都議會周日選舉 小池政黨矚目now新聞,2017年7月1號。
  2. 2.0 2.1 2.2 2.3 2.4 2.5 (繁體中文)東京都議會選舉被視為小池與安倍對決now新聞,2017年7月2號。
  3. (繁體中文)小池百合子料奪東京都議會控制權now新聞,2017年7月2號。