社會民主黨 (日本)

出自維基百科,自由嘅百科全書
Jump to navigation Jump to search

社會民主黨(日語:しゃかいみんしゅとう),簡稱社民黨,係日本一個左翼政黨。前身係日本戰後嘅萬年在野黨社會黨

歷史[編輯]

1996年1月,社會黨黨員大會決定改名做社會民主黨。不過社民黨一開局情況已經唔好,由創黨開始到10月嘅眾議院選舉,社民黨已經走咗超過一半嘅議員,大部分議員都過檔民主黨,連工會支持勢力都開始投向民主黨,原因係社民黨仍然堅持同自民黨聯合執政。10月嘅選舉,社民黨再由選前30席跌到15席。

1998年,社民黨退出執政聯盟。社民黨之後要到2009年先至同民主黨國民新黨新黨日本重新上台。僅僅1年之後,社民黨因為同民主黨喺美軍普天間基地問題上有分岐,社民黨就退出執政聯盟。

近年嚟因為黨員老化同極為親中、親北韓嘅政見,社民黨黨勢一日不如一日。曾經有人想社民黨同其他黨合併,不過都因為有人反對而作罷。

第48屆日本眾議院議員總選舉,社民黨喺比例區嘅得票第一次跌破2%嘅關口,唔符合日本訂落嚟嘅政黨條件,從而影響政黨補助,呢次選舉進一步打擊社民黨嘅財政來源。