第24屆日本參議院議員通常選舉

第24屆日本參議院議員通常選舉
日本選舉政治專題
‹ 2013 •  • 2019 ›
2016年7月25號
選舉類型				參議院
議席數目				242
選舉席次				121
			安倍晉三－自由民主黨
			獲得參議院議席						56 ▼ 13.8%
			岡田克也－民進黨
			獲得參議院議席						32 ▲ 88.2%
			山口那津男－File:Komeito logo.svg公明黨
			獲得參議院議席						14 ▲ 27.3%
			志位和夫－日本共產黨
			獲得參議院議席						6 ▼ 25%
政黨議席分佈圖
121   自由民主黨   25   公明黨   12   大阪維新會   2   社會民主黨   1   日本元氣會   12   獨立人士						49   民進黨   14   日本共產黨   3   守護日本之魂黨   2   生活黨與山本太郎與夥伴們
日本參議院議長
選前 山崎正昭 自由民主黨

第24屆日本參議院議員通常選舉會喺2016年7月25號舉行，改選日本參議院242席入面半數嘅121席。

雖然外界普遍認為自由民主黨安倍晉三嘅經濟政策未見到明顯成效，選舉前民意調查顯示執政嘅自民、公明兩黨仍然會響改選修面攞到過半數議席贏出。

制度

日本參議院有二百四十二個議席，每三年改選一半議席，即係一百二十一席。

背景

呢次選舉係安倍政府夾硬通過安保法案之後第一場全國性嘅選舉，結果係畀人當做民眾對安倍經濟學同新安保法等政策嘅一次公投。

安倍陣營今次選舉目標係要贏得過半改選議席，保住推動修憲力量，響參議院嘅主導權。事實上，執政黨響不需要改選嘅一百二十一席入面佔咗七十六席，加上部分在野黨派支持修憲立場，實際已經過咗三分之二。有分析就話，雖然安倍經濟學成效唔掂，而安保法又唔受歡迎，但係另一邊廂，反對派陣營勢力薄弱，唔能夠攞到民眾信任，所以外界相信首相安倍晉三嘅執政聯盟應該會贏出，焦點就落係攞唔攞到三分二議席去幫安倍推動修憲。

今屆重有另一變數，就係今屆選舉係日本舊年通過將投票年齡降到十八歲嘅第一次選舉，估計會增加二百四十萬名年輕選民。有分析就話，呢批年輕選民歷史包袱較細，或者會支持安倍修憲；不過，分析指民眾對選舉嘅關注冇增加，投票率或者會低過三年前嘅參議院選舉；投票之前各個黨派話事人都盡最後努力，響多個主要城市街頭拉票。

政見

除咗經濟政策，修憲議題同核電問題都同樣備受關注。

自民黨

響當前日本經濟環境唔好之下，首相安倍晉三大打經濟牌，表示呢場選舉係關乎畀日本經濟振興，又抑或重返黯淡時代。

首相安倍晉三冇提到修憲問題，反而主打經濟同社會福利牌。佢承認目前嘅經濟政策仍然不足。不過一旦放棄，日本將會返到黑暗時代，佢認為應該全力推動經濟。

民進黨

而在野民進黨黨魁岡田克也就批評，安倍經濟學只會令到日本財富分布更加唔均勻，同埋批評安倍唔提修憲係鬼祟做法，警告如果修憲陣營攞到三分二議席，安倍肯定順勢推動修憲。

候選人

日本共同社報道，截至星期三（22號）中午，已經有成四百幾人報名參選。

競選活動

6月22號，日本參議院選舉競選活動開鑼，首相兼自民黨總裁安倍晉三，選擇去到兩個月前發生過地震嘅熊本縣，為造勢活動打頭炮。

民意調查

由安倍領導嘅自民黨甚至有好大機會單獨攞到六十席左右，係1989年以來第一次；而在野民進黨只可以攞到三十席左右，難以對執政黨構成威脅。

如果支持修憲嘅四個政黨：自民黨、公明黨、大阪維新會同守護日本之魂黨，加埋攞到七十八席，再加上未改選嘅議席，就可以達到修憲要到嘅三分二議席門檻，分析話到時安倍最快會響今年秋天推動修改，俗稱和平憲法入面嘅憲法第九條，山咗放棄戰爭嘅條款。

結果

根據日本總務省統計，截至10號夜晚六時半，各地平均投票率係百分之三十六左右，低過三年前嘅參議院選舉。而提前投票嘅人有成千六萬，較上次選舉高過兩成，係歷年最多。

最新點票結果話，執政自民、公明兩黨連同冇改選嘅議席，已經攞到參議院過半數議席。如果以執政聯盟為首，支持修改憲法嘅政黨響參議院已經攞到修憲要到嘅三分二議席，有助首相安倍晉三推動修憲，為解禁集體自衛權鋪路。

後續

安倍話，今後會加快安倍經濟學嘅步伐，回應國民對政黨嘅期望。不過，安倍同時表示佢作為自民黨黨魁，任期重有兩年先完，會繼續同各個政黨傾，現時傾改憲法重係太早。