筲箕灣城隍廟

22°16′40″N 114°13′50″E / 22.277889°N 114.230624°E / 22.277889; 114.230624

筲箕灣城隍廟，原本叫做筲簊灣福德祠，係香港一座城隍廟，喺香港島筲箕灣金華街同筲箕灣東大街交界，1987年被評為二級歷史建築，喺2010年2月4號確定為香港三級歷史建築。每年嘅農曆五月十一、五月廿八、七月廿四（城隍誕）、二月初二（土地誕）同五月初五（五通誕），有較多善信嚟參拜。

歷史

筲箕灣城隍廟喺清朝光緒三年（1877年）建成，由當地嘅坊眾集資興建，原本係供奉福德公同埋五通神，所以嗰時被稱為「福德祠」，同時亦供奉觀音同齊天大聖。該廟初期由坊眾所管理，曾經叫做「五通廟」。1928年，座廟交由華人廟宇委員會管理，並進行擴建同維修，由於香港島以往冇專門供奉城隍嘅廟宇，因此華人廟宇委員會喺1974年喺廟旁邊起一座相連嘅祠堂供奉城隍，改叫「城隍廟」。

城隍廟門聯：「古廟重新靈爽式憑開福地四方永賴恩光普照庇烝民」

交通

港鐵

█港島綫：筲箕灣站B1出口（沿筲箕灣東大街行5分鐘）

出面網頁